FUJI TO BAM: PASUMA se bebe niluu Oyo

Alaaafin ilu Oyo, Oba Lamidi Olayiwola Adeyemi keta ti gboriyin fun ileese oloti Nigerian Breweries lori akitiyan re lati rii pe orin fuji ko reyin ninu awon orin to ku. Oba Adeyemi soro yii lasiko idije ti irawo fuji tuntun ti eka ileese naa Goldberg sagbekale re, eyi to waye ni papa isere Durbar.
Lasiko to n bakoroyin wa soro nibi eto naa, oga agba kan nileese ohun, Ogbeni Funso Ayeni salaye pe, idagbasoke orin fuji lo je ileese re logun. O ni "taa ba n soro eto alarinrin tileese a-pon-oti Nigeria Breweries gbe kale, ti won fi oti Goldberg ta koko re, eyi ti won pe ni FUJI TO BAM. Odu ni eto naa kii se aimo fun tagba-tewe, paapaa lawujo awon onifaaji.
Eto Fuji to Bam yii ni won sagbekale re lati maa sawari awon ogo ati irawo tuntun nidii ise orin fuji. Lara anfaani ti won n fun awon onifuji to sese n dide bo ni ki awon naa le korin po pelu awon agba-oje olorin fuji.
Ogbeni Ayeni so pe aseyori nla ni eto yi ti se laarin odun kerin ti won ti bere ati pe otolorin ni todun yi, nitori won yoo gbe ise agbase rekoodu fun olorin to ba gbegba oroke, yato si owo ti won maa n fun won lateyinwa. 
Lara awon gbajumo olorin to wa nibe ni Oba Asakasa, Abass Akande Obesere; Oga Nla fuji, Wasiu Alabi Pasuma atawon irawo onifuji mi-in.
Lara awon oludije to yan-an yo nibi idije ibi keta si asekagba (Quarter Final), ti yoo si lo koju ara won ninu idije to kangun si asekagba (Semi Final) ni, Alausa Olalekan; Kuteyi Sikiru; Olowokere Ayoola; Sadiq Ishola; Mufutau Alabi; Idris Morakinyo; Alayo Owoomo; Temitope Ajani; Yusuf Atanda; Abdul Amoo Ajibola.
Awon to ku ni, Olaniregun Habeeb; Oluwagbemiga Adeyeye; Bukola Omo-Daddy; Adewale  Saheed Ishola; Ilesanmi Sogo; Abiodun Oloto; Wasiu Omo Bello; Sir Shina Akanni Ademola; Tayelolu Akanni Confidence ati Oyeniyi Ismaila

Eegun Oloolu kilo fawon araalu.

Eyi ni bi eegun Oloolu yoo se rin
-- Bee lo kilo fawon araalu
Yanju Adegboyega
Ojo Monde - To ba ti kuro nile re ni Ode Aje, yoo gba Oranyan de Idi Arere bo si aafin Olubadan, Oba Saliu Adetunji ni Popoyemoja. Yoo gba ibe de Oja'Ba lo si Ogbori Efon nile Balogun ile Ibadan, Agba Oye Owolabi Olakulehin. Yoo gba ibe lo si Alafara Olubadan lo si Atipe de Oke Ofa, Baba Isale. Leyin naa ni yoo lo sile Otun Olubadan, Agba Oye Lekan Balogun ni Ali Iwo. Ibe si ni yoo gba dari sile re.
Ojo Tusidee - To ba ti kuro nile re ni Ode Aje, yoo gba Oja'Gbo de ile Balogun ile Ibadan, Agba Oye Owolabi Olakulehin. Yoo gba Ita Baale de Ogbori Efon nile Ekerin Olubadan, Agba Oye Abiodun Daisi. Ibe ni yoo gba de ile Olubadan ni Popoyemoja. Ko to maa lo sile Osi Olubadan, Agba Oye Rasidi Ladoja ni Born Photo. Leyin naa ni yoo lo sile Asipa Olubadan, Agba Oye Eddy Oyewole ni Foko ati ile Osi Balogun, Agba Oye Tajudeen Ajibola ni Agbeni. Yoo gba ibe de ile Fijabi ati Mogaji Olujide Osofi ni Oja'Ba, de ile Omiyale ati Olunloyo.
Yoo gba ibe dele Arabinrin Odunola ati Mogaji Olu-okun pelu Mogaji Ekolo ni Oke Ola de Ile Tuntun, lo si Odinjo nile Eekarun-un Balogun, Agba oye Lateef Adebimpe. Leyin naa ni yoo ile Dauda Gbedeogun ni Modina, lo sile Ege. Ibe si ni yoo gba de ile Otun Balogun, Agba Oye Femi Olaifa ni Idi Aro. Ko to pada sile re.
Ojo Wesidee - Yoo gba Oke Adu lo sile ijoba ipinle Oyo, Gomina Abiola Ajimobi. Leyin naa ni yoo lo sile Otun Olubadan, Agba Oye Lekann Balogun ni Ali Iwo, leyin naa ni yoo lo sodo Amofin Niyi Akintola, Amofin Ajobo, Amofin Azeez ati Amofin Afolabi ni Gate. Yoo gba Yemetu lo si Adeoyo de odo Mogaji Kadelu ati Oloye Afolabi ni Temidire, leyin naa ni yoo gba Labiran pada sile re.
Tosidee - Ago olopaa Agugu ni yoo gba koko gba lo si, leyin naa ni yoo lo sile Mogaji Agugu, Oloye Ogunsola Anisere. Ibe ni yoo gba de odo Alaaji Elewure, Abileko Adijat Alagbe, Abileko Olanisebe ati Mogaji Ayegbokiki. Ibe si ni yoo gba de odo Alaaji Kokodowo, leyin naa ni yoo lo sodo Baale Atolu ati Ifa Boys ni Gbaremu. Ibe ni yoo gba lo si Sekoni, yoo de odo Lemoomu Aje ati Baale Akamo.
Leyin naa ni yoo de odo Jekayinfa, Alaaji Olorunlogbon, Falere Fagbenro ati Yisau Ajoke. Yoo de odo Oloye Adesina ni Gangansi, ibe ni yoo gba lo sodo Baale Ewuola, yoo de odo Baale Eniayenfe, Seriki Muritala Babalola, Baale Osuolale ati Alaaja Sijuade. Ibe ni yoo gba de odo Mogaji Aje, Oloye Raimi Oyerinde, yoo gba ibe de Ogbere Idi Osan de odo Bose omo Titilayo ni Maaku, pada si Oremeji, nibi ti yoo gba pada sile re n'Ile Aje.
Ikilo Pataki!!!
Eeegun Oloolu fi asiko yi kilo fawon onimoto atiu olokada lati rii pe, won ko gbe obinrin pade re. Nitori ti yoo maa yoju wonu awon moto lati rii pe ko si obinrin nibe.
Enikeni to ba tapa si ikilo yii yoo da ara re lebi.

WALL of PRAISE fi kanga igbalode ati ile-iyagbe ta ileewe lore.

WALL of PRAISE fi kanga igbalode ati ile-iyagbe ta ileewe lore.
Ijo omoleyin krisiti kan, Wall of Praise Christian Centre nibamu pelu akosile Iwe Mimo Bibeli to ni "Olorun fe oninu dundun oloore ti fi kanga igbalode kan ati ile-iyagbe ta ileewe Orile Oko Community ati ilu naa lore. Koda, pelu ero jenereto ti won yoo maa lo lati fa omi ohun ni pelu.
Ijo ohun, eyi ti ko ni nnkan se pelu ijoba (NGO) labe idari Ajihinrere Samson ati iyawo re Alufaa-obinrin Abigail Adegboyega lawon eeyan ilu Orile Oko si ti kan saara si fun igbese naa. Lasiko to n soro nibe, akowe ijoba ibile Ariwa Remo, Ogbeni Sorinola Rasheed to soju ijoba nibi ayeye ohun ni ileese iranse Wall of Praise ti ko oruko re sinu iwe itan rere lawujo awon ajo ti kii se tijoba lorileede yi
"Nipase ohun taa ri lonii, ileese iranse yi ni yoo je ajo ti kii se tijoba akoko ti yoo fi irufe ohun nla bayii ta ileewe kan lore lorileede yii. Eyi ti yoo so oruko re di manigbagbe fawon akekoo to wa nileewe naa bayii ati awon to tun n bo." Oga agba ileewe naa, Ogbeni Oladimeji ti ko le pa idunnu re mora toka pe omo iko agunbaniro kan to sinru ilu nileewe ohun lo ti koko se irufe akanse ise bee nileewe naa. Sugbon, to je salanga ni "eyi ti ileese iranse yi ti so di ti igbalode bayii."
Adari ileese iranse ohun, Ajihinrere  Adegboyega ni akanse ise naa je imuse iran ise iranse toun n sise to. Pelu afikun pe, ko ni nnkan kan se pelu ireti esan oselu kankan. To si wa ke sawon akekoo ileewe naa lati maa jowu nnkan daadaa bi eyi nigba ti won ba dagba. Bee lo dupe lowo ijoba ipinle Ogun fun oore-ofe to fun un lati pese awon nnkan amayederun yi, to si wa gbawon obi nimoran lati samojuto awon omo won daadaa, ki won le wulo funra won lojo iwaju. Ko sai ke sijoba apapo lati se ona to so ilu naa papo pelu ipinle Eko.
Lara awon eeyan to tun soro nibe ni, okan lara awon igbimo ileese iranse naa, oludasile ijo Christ Disciple Faith Ministry niluu London, Aposteli
Stephen Popoola, eni to lu Ajihinrere ati Alufaa Adegboyega logo enu fun afojusun won ohun.

O tan! ANTP yo ASAOLU danu, JIMOH ALIU lo gba'po re

O tan! ANTP yo ASAOLU danu, JIMOH ALIU lo gba'po re
Yanju Adegboyega
Pelu igbese tawon asaaju egbe osere tiata, ANTP gbe laipe yii, oro to n ja nile lori ipo aare egbe naa ti fori ti sibi kan bayii. O si ti foju han gba-n-gba bayii pe, Omowe Victor Asaolu ti kuro nipo gege bi olori egbe naa. Asiri iroyin kan to tu sakoroyin wa lowo lopin ose to koja yii ti fidii re mule pe, igbimo alase ati maje-o-baje egbe ti ko okunrin naa patapata.
Gege bi enikan to wa ninu ipade nla kan to waye nile egbe osere, ANTP to wa ninu oja agbaye Expoyo laduugbo Samonda, Ibadan lojo tosidee ose to koja, igbimo alakooso egbe ANTP ti fi onte lu iyansipo aare egbe naa nigba kan ri, Oloye Jimoh Aliu gege bi aare egbe naa tuntun. Bee si ni won yan Oloye Yemi Elebuibon gege bi igbakeji re.
Alaaji Kareem Adepoju, eni ti gbogbo eeyan tun mo si Baba Wande ni won yan gege bi akowe, nigba ti won fowo si Ogbeni Jare Adeniregun gege bi akapo. 
Akoroyin wa gbo pe, gbogbo omo egbe to wa nibi ipade alagbara ohun lo fohun sokan lori iyansipo awon eeyan naa. Ti won si sapejuwe po ti fese mule loju ese nibe.
Ju gbogbo re lo, owo kilanko Omowe Victor Asaolu ti yo kuro lawo isejoba egbe osere ANTP. Eyi to si ti wa fopin si wahala to ti n fi gbogbo igba waye lori oro ipo aare egbe naa.
Ta o ba gbagbe, o feree je pe ojumo kan ijangbon kan ninu egbe osere ANTP lat'igba tile-ejo giga ijoba ipinle Oyo kan to wa niluu Ibadan ti gba ipo aare egbe naa fun Asaolu, to si yo Omooba Jide Kosoko kuro. Ase ile-ejo ohun lo si faa tawon kan ti idajo naa ko dun mo ninu fi lo da egbe osere tuntun kan ti won pe ni TAMPAN sile.
Ni bayii,  Alariya Oodua le fi gbogbo owo soya pe, igbimo agba egbe ANTP ti yo Asaolu nipo bayii. Jimoh Aliu, eni ti Asaolu se akowe egbe labe akooso re lasiko to se aare saaju lo si gba ipo re naa.

O ma se o! Iya MUFU LANIHUN ku.

Iroyin a gbo sogba nu!!!
Iya okunrin gbajumo onisowo ilu Ibadan nni, Alaaji Mufutau Ajadi Lanihun, Giwa Adinni ipinle Oyo ku laaro yii.
Osu yii lo pe odun kan ati osu merin ti Lanihun funra re ku leyin aisan ranpe. Ta o ba gbagbe, iya re wa laye lasiko iku re. Koda, nise ni won mu iya naa kuro ninu ile, ki won to le sin oku re.,

Ede aiyede laarin osise atijoba Oyo: egbe awon obinrin akosemose pe fun idasi Olubadan

Ede aiyede laarin osise atijoba Oyo: egbe awon obinrin akosemose pe fun idasi Olubadan
Yanju Adegboyega
Nitori ti ede aiyede to n lo laarin ijoba ipinle Oyo ati egbe awon osise n ko won lominu, egbe awon obinrin akosemose bii meedogbon kan, eyi to wa lati awon egbe kaakiri orileede yii ti kesi Olubadan ile Ibadan, Oba Saliu Akanmu Adetunji, Aje Ogungunniso kin-in-ni lati da soro ohun.
Awon obinrin ohun ti Ojogbon Adetoun Ogunseye ati AbilekoBola Doherty pelu awon mi-in ko sodi lo fi aidunnu won han si bi wahala naa se n tesiwaju ati ipa buruku to ti n ni lori awujo, pelu afikun pe gege bi baba fun gbogbo eeyan, eni ti ko si ninu egbe oselu kan tabi ni afojusun ipo oselu. Oba alaye, eni odun metadinlogorin yii lo wa nipo to daa pupo lati wa ojutuu si aigbora-eni ye to wa laarin igun mejeeji naa.
Arabinrin Doherty ni 'Gege bi iya, inu wa ko dun si wahala to n lo lowo laarin ijoba ati osise nipinle Oyo ati ipa to ti n ni lori awujo wa. Awon osise ko lo sibiise, awon akekoo ati oluko ko lo sileewe, eyi kii se nnkan to dara rara. Gege bi ajo ti kii se tijoba, NGO, eyi to ko egbe awon obinrin akosemose bii FIDA, FOMWAN, NCWS, YWCA, AGES atawon mi-in sinu, a nigbagbo pe, oba alaye bii ti yin, eyi ti ko ni nnkan kan se pelu egbe oselu kan tabi omi-in lo le da si oro ohun.
Nigba to n fesi, Olubadan ile Ibadan, Oba Saliu Adetunji so pe,oun ko nii kaare lati maa da si wahala to wa laarin ijoba ati osise, titi ti oro naa yoo fi niyanju. Gege bi oba alaye yii se wi, o ni, enikeni ko setan lati di ebi oro naa ru enikeni ninu awon igun mejeeji. Sibe, bi awon akekoo se n jokoo kale, lai lo sileewe je ohun to n fun gbogbo eeyan ni efori.
O fi okan awon eeyan naa bale lati kan si gomina ipinle Oyo, Sineto Abiola Ajimobi ati awon asiwaju egbe osise lai nii pe rara, pelu ireti lati wa ojutuu si aawo naa. Ki alaafia le tun pada joba nile yi.
Nigba to n dupe lowo awon egbe obinrin naa fun bi won se so ero okan won ohun jade lori wahala to wa laarin osise atijoba, Oba Adetunji toka pe, pelu atileyin Olorun, awon akekoo yoo pada sinu kilaasi lati maa kekoo won ni kete ti igun mejeeji to n ja ba ti gba ifikun-lukun laaye.
Ewe, Oba Adetunji ti da si oro aawo kan to wa laarin igbimo awon apoogun oyinbo, Pharmacitical Council of Nigeria ati awon egbe to n ta oogun kemiisti, National Association of Patent Medicines Dealers (NAPPMED). To si ti petu sawon mejeeji. Nigba to n dupe lowo awon asoju ajo PCN fun agboye won. Oba Adetunji ro awon kemiisti to wa nile Ibadan lati tele ofin ati ilana to ro mo ise ti won n se.

Ikunle Abiamo o! E wo idi AANU bo se wu lat'igba ti won ti bii.

Ikunle Abiamo o! E wo idi AANU bo se wu lat'igba ti won ti bii.
--- Egberun lona irinwo naira din die lo n wa lati sise-abe.
Yanju Adegboyega
Omo odun merin ni omodekunrin yii, Aanu Rafiu, sugbon, ohun kan to wu nidii re lat'igba ti won ti bii ko je ko lo nile rara. Bee si ni iya re ko le sise kankan, nitori ko seni ti yoo gbee sile fun. Eyi to je ki atije ati atimu nira fun won. Bee owo to le ni egberun lona oodunrun naira ni won fe fi sise-abe fun un. Gege baa se gbo, lati igba ti won ti bi Aanu ni won tin sakiyesi kini ohun tawon onimo isegun oyinbo pe ni 'NEUROFIBROME to wu jade bii baasi eran nibi abala idi re apa osi. 
Akoroyin wa gbo pe, oro ohun gan lo si mu ki baba re sa kuro nile, to si fi omo naa sile pe iya re, Aishat nlati maa da gbe bukaata re. Lojo kan, alaga egbe awon akoroyin obinrin lorileede yii, NAWOJ, eka tipinle Oyo, Arabinrin Foluso Lala salabaapade iya omo naa laduugbo kan. Ara abiamo si taa, eyi to je ko pinnu lati beere fun iranwo lodo awon eleyinju aanu omo orileede yii fun ise-abe ti won fe se Aanu.
Gege baa se gbo, leyin ayewo finnifinni nileewosan ekose isegun UCH lawon dokita ti ni ki Aishat lo wa egberun lona orinleloodunrun din marun-un naira, N365, 000 wa fun ise-abe ti yoo mu ki idi re naa pada bo sipo to ye ko wa.
Nigba to n bakoroyin wa soro, Aishat Rafiu to je iya Aanu, eni to loun sese pari iwe girama kewaa soo di mimo pe, lat'igba ti oun ti bi omo naa ni won ti sakiyesi ohun to n se naa, sugbon ti ko si oluranlowo kankan lati sise-abe ti won ni ki won se fun un. Nitori ti baba omo naa ti salo, to si fi oun nikan sile lati maa da gbo bukaata re.
Aishat ko sai toka pe, baba agba omo naa n se iwonba ohun ti apa re ka lati rii pe won n jeun. Sugbon, ohun to mu oun lokan bayii ni bi ise-abe omo naa yoo se je sise kiakia nitori tawon dokita ni bo ba se n pe si ni owo re yoo se maa po sii.
Ninu oro to ba wa so, Arabinrin Lala ni 'nigba ti mo ri omode yen, ara mi bu ma'so. Mo si beere lowo iya re pe, igbese wo lo ti gbe lori oro naa. O si salaye pe oro owo ni, eyi lo je ki n telee lo yoju si awon dokita nileewosan UCH. Nibe si ni won ti so iye ti yoo na-an lati se ise-abe naa. A wa n lo asiko yi lati rawo ebe sawon eleyinju aanu omo orileede yii lati ro ojo iwaju omode yii. Ki won ran wa lowo lori re.
Fun iranlowo owo tabo ohunkohun, e pe alaga egbe awon akoroyin obinrin, NAWOJ nipinle Oyo lori 08023439198 tabi kee pe Olootu si 08038649362
E aeun gan ni o.

Ikanni-ayelujara ede Yoruba, akoko iru re.

E kaabo si GBELEBO, ikanni-ayelujara akoko lede Yoruba.
Nibi te o ti maa je igbadun awon okan-o-jokan iroyin amuludun ati orisirisi idanilekoo to le seni lanfaani.
- Oore-ofe wa fun un yin lati se ikede ati ipolowo oja yin lori ikanni yii lowo ti ko ga ju ara lo.
E le kan si wa lori 0808 948 4270.
Ipolowo oja ni agunmu owo. E ba wa dowo po, e o si rii pe rere ni Oluwa.
Olootu

E pa ede Yoruba ni dandan lawon ileewe alakoobere ati girama - OLUBADAN

Foto ; Awon akekoo ohun pelu Olubadan ile Ibadan, Oba Saliu Adetunji, Aje Ogungunniso kin-in-ni.
E pa ede Yoruba ni dandan lawon ileewe alakoobere ati girama - OLUBADAN
Yanju Adegboyega
 Olubadan ile Ibadan, Oba Saliu Akanmu Adetunji, Aje Ogungunniso kin-in-ni ti ke sawon gomina ile Yoruba lati pa kiko ati kika ede naa ni dandan lawon ileewe alakoobere ati girama. Oba Adetunji soro yi lasiko to n gbalejo awon akekoo omo ile America bii meedogun kan to n ko ede Yoruba (2016 Yoruba Group Study Abroad, YGPA) nile-eko giga yunifasiti Ibadan laafin re to wa Popoyemoja.
Oba alaye yi toka pe,igbese ohun pon dandan nile Yoruba lati le daabo bo ojo iwaju ede abinibi agbegbe ohun. Eyi to so pe 'o n fojoojumo ku', to si wa ni, o nilo igbese kanmo kia. Ki awon obi lo ko asa siso ati kiko awon omo won ni ede naa nigba gbogbo.
“Nise ni mo maa n fi gbogbo igba se mo lori bi ede wa, Yoruba se n ku lojoojumo, nipase ai lakasi awon obi kan to ko ede abinibi won sile. Ti won o si tun je kawon omo won soo pelu.”
Olubadan kedun pe awon obi ati ijoba ko se ohunkohun  “lati doola ede wa lona iparun” pelu afikun pe, “mo paa lase pe, ede taa gbodo maa so laafin ni Yoruba ati ko gbodo si ede mi-in ju Yoruba lo.”
Oba Adetunji wa gbawon obi ati alagbato nile Yoruba nimoran lati maa se koriya fawon omo won, lati maa so ati ko ede Yoruba, pelu afikun pe “eya yooeu ti ede re ba ti ku, oun funra re ti parun”.
Saaju lawon asiwaju iko ohun, Ojogbon Moses Mabayoje lati yunifasiti ile Florida ati Omidan Tolu Ibikunle lati eka eko ede Yoruba ni yunifasiti ile Ibadan salaye pe abewo iko naa si Oba Adetunji je lara eto fun awon akekoo naa lati ni imolara ede, eyi ti won nifee si ati lati fi ara ro ara pelu asa Yoruba.
Nigba ti won n lu Olubadan logo enu lori abewo won sii, awon eeyan naa be oba alaye ohun lati rawo ebe sawon ijoba leleka-jeka lati pese aaye kan nibi ti won yoo maa se  awon ohun to jo mo itan nipa Ibadan lojo si. Nibi tawon akekoo ede Yoruba yoo ti maa ni oore-ofe lati mo nipa ilu naa atawon akoni re to ti koja lo.

Idije boolu OBA SALIU ADETUNJI bere

Idije boolu Oba Saliu Adetunji bere.
Yanju Adegboyega
Gbogbo eto lo ti to bayii fun idije boolu alafesegba ti won fi sori Olubadan ile Ibadan, Oba Saliu Akanmu Adetunji, akoko iru re. Gege baa se gbo, awon omooba lokunrin ati lobinrin lo sagbekale idije ohun lati fi se awari awon ebun to farasin nidii boolu alafesegba nile yii.
Lasiko to n bakoroyin wa soro nibi iyikoto eto ohun to waye ni gbagede aafin Popoyemoja, Ibadan lojo sannde ose, ojo kerindinlogbon osu yi, alaga igbimo to sagbekale idije ohun, Omooba Ganiyu Adetunji soo di mimo pe, won sagbekale re lati fi sori ayeye ojoobi Oba Adetunji. Eyi ti yoo waye lojo kerindinlogbon osu kejo odun yii ati pe odoodun ni yoo maa waye.
Saaju ninu oro tie, Olubadan ile Ibadan, Oba Saliu Adetunji toka pe, ere idaraya le pese ise fawon odo lorileede yii, tawon ijoba ni eleka-jeka ba le se igbelaruge fun un.
Ojo keji osu kokanla ni idije naa yoo bere niluu Eko. Nigba ti gbogbo asekagba re yoo waye niluu Ibadan.
Ate Idije
Ipinle Eko
Satide 02-07-16         Ibi idije - Ansar-Ud-Deen High School, Onitire
1. Obinrin
Lakeside Ladies vs Royal Ladies - 8 . 00am
2. Okunrin
Alade FA vs Damilola Taylor - 10 . 00am
3. Obinrin
Phoenix Queen vs Ansar-Ud-Deen - 12 . 00noon
4. Okunrin
Lakeside FA vs Strong-Dove - 2 . 00pm
5. Okunrin
D. Ultimate FA vs Solution Boyz - 4 . 00pm
Sannde 03-07-16       Ibi idije - Ansar-Ud-Deen High School, Onitire
1. Okunrin
36 Lion FA vs Patrick Amajor FA - 10 . 00am
2. Okunrin
Tiki-Taka FA vs Rising Stars Academy - 12 . 00noon
3. Okunrin
Morietes FC vs IGI FC - 2 . 00pm
Monde 04-07-16   Ibi idije - Ansar-Ud-Deen High School, Onitire
1. Okunrin
Lakeside FC vs Island FC - 2 . 00pm
2. Okunrin
Oladunjoye FC vs Allahu Saty FC - 4 . 00pm
Fraide 08-07-16   Ibi idije - Ansar-Ud-Deen High School, Onitire
1. Okunrin
Golden Lion FC vs Favor Comrade FC - 2 . 00pm
2. Okunrin
Rising Stars FC vs Apapa-Iganmu Allstar - 4 . 00pm

O tan! Oro oko-ere EDA ONILE-OLA fe da wahala sile ninu TAMPAN

O tan! Oro oko-ere EDA ONILE-OLA fe da wahala sile ninu TAMPAN.
Yanju Adegboyega
O see se ki wahala to wa laarin egbe awon osere tiata, ANTP ati egbe osere adeyalo re, TAMPAN gba ona mi-in yo lasiko yi. Ki awon omo egbe osere tuntun naa si kan awon asiwaju egbe naa labuku. Gege baa se gbo, awon omo egbe osere tuntun naa n naga lati kopa ninu fiimu olowo nla kan ti okunrin gbajumo agba osere nni, Oloye Lere Paimo n se lowo niluu Lagun, Ibadan bayii.
Akoroyin wa gbo pe, nise ni okunrin oludari ise ohun, Abiodun Adekanbi pase fawon omo egbe TAMPAN to yoju si oko-ere naa lati lo gba iwe-ase wa lowo aare won, Ogbeni Dele Odule ti won ba setan lati kopa ninu fiimu ohun.
Se saaju asiko yii la gbo pe, awon asiwaju egbe osere TAMPAN ti pase pe kawon omo egbe naa ma pe awon omo egbe osere ANTP sise yoowu ti won ba fe se, ki won si ma yoju si eyi tawon tohun naa ba n se. Gege baa se gbo, igbagbo won ni pe, ti won o ba pe awon eeyan naa sise, to si nira fun won lati jeun. Won yoo wa darapo mo egbe tiwon.
Sugbon, oro kan sele laipe yii, nigba tawon agba egbe kan lo kopa ninu ise kan ti Oloye Kareem Adepoju ti gbogbo eeyan tun mo si Baba Wande pe siluu Osogbo, eyi to mu ki egbe gbe igbimo kan dide lati da seria fun won. Sugbon, ti oro ohun ko f'ori ti sibi kan titi dasiko yi.
Enikan tie ni, ohun to fe mu kawon omo egbe gboju agan sawon asiwaju egbe osere TAMPAN lasiko yi ni bi won se ni Dele Odule funra re so pe, ti Baba Wande ba tun pe oko-ere mi-in lola. Oun gan-an wa lara eni akoko ti yoo debe lati kopa. A gbo pe, oro ohun dun awon omo egbe pupo, nitori ti won ni awon asiwaju egbe ti ko won sina pupo nipase ase ti won pa nigba naa. Eyi ti won lo ti mu ki opo won so awon anfaani lati di gbajumo nu, ti won si tun ti tipa bee di ota awon ti won ko pe sise.
Ju gbogbo re lo, ise olowo nla ti Eda Onile-Ola gba naa lakoroyin wa gbo pe awon osere ti ko din ni eedegbeta ni yoo kopa ninu re yato sawon osise mi-in gbogbo. Enikan to bakoroyin wa soro salaye pe, okunrin oludasile ileese Telifisan aladaani akoko lorileede yii, Galaxy, Ogbeni Steve Ojo lo gbe owo nla ti won fi n sise naa kale.
A gbo pe, okunrin yii lo gba ise agbase lati maa fun awon ileese telifisan kaakiri orileede yii ni awon ere onise. Koda, a gbo pe, odidi ere tiata odun kan, eyi tii se ose mejilelaadota gbako ni won n se lowo niluu Lagun naa bayii.

E ba wa dupe, OLUBADAN pe ogorun-un ojo lori apere

Ogorun-un ojo ti ADETUNJI di OLUBADAN
Awon Yoruba ni, ojo lo n pe, ipade kii jinna. Oni yii lo pe ogorun-un ojo ti Olubadan ile Ibadan, Oba Saliu Akanmu Olasupo Adetunji, Aje Ogungunniso kin-in-ni gba opa-ase gege bi Olubadan kokanlelogoji.
Ta o ba gbagbe, ojo kerin osu keta odun yii ni Adetunji gba ade ni gbagede Mapo, Oja'Ba niluu Ibadan. Nibi tawon eeyan jankan-jankan kaakiri orileede agbaye ti peju pese. O wa lakosile pe, fun igba akoko lati nnkan bi ogoji odun seyin, ko feree si ibi ayeye kan ti Alaaafin Oyo ati Ooni ile Ife ti jokoo papo bee ri. Sugbon, lojo naa, Oba Lamidi Olayiwola Adeyemi keta ati Ooni Enitan Adeyeye Ogunwusi, Ojaja keji jokoo sojukan. Bee si lawon oba nla-nla kaakiri bii Sultan ti Sokoto, Emir Ilorin, Alake Egba, Oba ilu Eko atawon mi-in ko gbeyin nibe.
A wa n lo asiko yi lati dupe lowo ijoba ipinle Oyo labe idari Sineto Abiola Ajimobi atawon gomina ipinle gbogbo bi Ekiti, Osun, Ogun, Eko ati bee bee lo fun aduroti won. Bee la si gbaa ladura pe ki emi oba ko gun.
Igba odun, odun kan fun Adetunji Akanmu Olubadan. Kaaaaabieeeesi o

Kayeefi n'Ibadan, Won ri aworan obinrin to pon'mo lara ogiri ---Lawon kan ba n lo boo, won ni Yemoja ni.

Kayeefi n'Ibadan, Won ri aworan obinrin to pon'mo lara ogiri
---Lawon kan ba n lo boo, won ni Yemoja ni.
Yanju Adegboyega
NIse lawon eeyan n ro giirigi lo saduugbo Olomi niluu Ibadan lojo Jimoh ose to koja yii, nigba tiroyin kan gba igboro kan pe, won ri aworan obinrin kan to pon'mo seyin ninu ile kan nibe. Gege baa se gbo, ese ko gbero laddugbo ohun titi di ale ojo naa, nigba ti gbogbo eeyan to gbo n lakaka lati fun oju won lounje ati lati ri eemo naa funra won.
Ibi isele ohun, to wa ni ojule kejidinlogoji, Olorunkemi Zone 1, Olomi-Academy lawon eeyan si ti so di mecca lasiko taa n ko iroyin yi jo lowo. Gege baa se gbo, owo irole ojo tosidee ni omobinrin to ni yara kan ninu ile olojule mejo ati boisi kota merin naa, nibi toun gan ti n lo yara to kangun ninu boisi kota ohun ti sakiyesi aworan naa, sugbon to koko n paa mora. A gbo pe, nigba ti oro ohun ko yee mo lo pariwo sita pe kawon eeyan wa wo kayeefi to ri naa. Ti gbogbo eeyan si wa ba wo ohun to ri ohun.
Lasiko ti akoroyin wa debi isele ohun laaro ojo satide, omobinrin to ni yara naa to ko lati daruko re, ti ko si tun gba akoroyin wa laaye lati ya foto aworan naa lo salaye pe, asiko ti oun maa pe ero le aworan ohun lori ko tii ya. O soo di mimo pe, ohun si n gbero lati se awon etutu kan ati pe leyin naa loun yoo se ajodun nla kan fun aworan naa.
Awon eeyan meji kan ti akoroyin wa ba nibe lasiko abewo re ni awon okunrin meji kan ti okan mu tesubaa awon musulumi lowo, sugbon tawon mejeeji n fi ede fo bi awon omo ijo kerubu tabi Cele. Ninu oro ti won n so fun  omobinrin to ni yara ohun ti akoroyin wa gbo ni won ti so pe, iru aworan naa wa lodo molebire kan ri ati pe o se die ti won ti pase pe ki oun pelu jokoo ti oosa naa.
Sugbon, akiyesi akoroyin wa ni pe, omi ojo to n jo lati ara ogiri ile naa lo lapa lara ogiri yara ohun. Eyi to je ko dabi igba ti won ya nnkan sara ogiri naa.
Ju gbogbo re lo, akoroyin wa rii pawon eeyan kan ti n da awon nnkan ti enu n je bi iyo, osan ati omi pio wota jo sidii aworan ohun lati gbadura. Bo ba si se je, isele to ba tele eyi ni yoo so. Sugbon, titi dasiko ti akoroyin wa kuro nibe lawon eeyan si n wo lo sinu ile ohun ti gbogbo eeyan n pe ni ile Iya Indomie lati lo wo ohun iyanu ti awon kan pe ni Yemoja naa.
Foto : Eyi ni enu ona abawole sinu yara ti won ti ri aworan naa.

Awon toogi ja n'Ibadan, leeyan mefa ba ku

N'Ibadan, awon omo-isota ja, won paayan repete.
Nise l'oro di "boo lo, o yago" fun mi lona lojo tusidee ose to koja yii laduugbo Oja'Ba niluu Ibadan nigba tawon omo isoa kan kolu ara won, ninu eyi taa gbo pe ko din leeyan mefa to ba isele ohun rin. Tawon olugbe adugbo naa ko si le lo tabi bo nidii ise oojo won.
Awon egbe omo isota ohun ti won pe ni Idowu ati Zaccheus la gbo po n ba igun omo isota mi-in ti enikeni ko moruko re ja, sugbon ta o le so pato ohun to fa wahala laarin won naa. Bi awon kan se n so pe, ija "emi ju o, iwo o ju mi" ni, bee lawon kan so pe oro owo kan lo dija laarin won.
Yato si eyi, awon kan ni igun omo-isota Ekugbemi ati Oluomo lo n bara won fa wahala. Eyi to wu ko, ooto ibe ni pawon olugbe adugbo naa ko le sun oorun asundiju fun bi ojo meta ninu ose to koja naa. Nitori taa gbo pe, ojo sannde ose to lo lohun-un ni won ti bere ijangbon naa.
Akoroyin wa gbo pe, wahala sele nirole ojo tusidee, nigba tawon igun Idowu gbiyanju lati gbesan ija kan to ti waye saaju nibi ti okan ninu awon omo eyin re ti ku. Eni to ba wa soro ni, eyi lo mu ki won lo dena de awon omo igun keji ti won o daruko naa pelu iranlowo awon igun omo-isota Zaccheus laduugbo Gege Adero, Ibadan.
Elomi-in to tun ba wa soro salaye pe, ohun to fa wahala ohun gan ni bi Idowu se lo da ariya kan tawon kan n se laduugbo Mapo ru, eyi ti won pe ni "Obo Day". Eni naa ni, nise ni Idowu yii maa n fonnu kiri pe omo egbe ajijagbara ile Yoruba, OPC loun. Bee, won ti lee ninu egbe naa nigba to se asemase kan. Eni yii so fun akoroyin wa pe, nise lawon to n se ariya to lo daru naa luu ni alubami, eyi to si mu ko pada lo ko awon omoleyin re wa lati wa gbeja re.
Enikan tisele naa soju re ni awon ohun-ija oloro bii akufo igo ni won koko n lo fi ja, sugbon nigba ti yoo fi di ojo wesidee, won ti bere sii lo awon ohun-ija oloro bi ibon ati ada. Gbogbo awon oloja to wa laduugbo naa lo n sare pale oja won mo, nigba tawon omo isota yii n le ara won wonu agboole to wa nibe.
Nigba tawon olopaa si de sibe ni wahala ohun tun ro'le die. Tit dasiko taa n ko iroyin yi jo lawon olopaa si wa kaakiri agbegbe ohun pelu oko ijagun lati le rii pe alaafia joba. 
Akoroyin wa gbo pe, awon ohun-ija oloro tawon omo-isota yii n ko kiri lai beru lo mu ki opo awon ontaja adugbo naa ti soobu won pa fun opolopo wakati. Bi awon kan n so pe eeyan meta lo ku, lawon kan n so pe mefa leni to ku. Sugbon, olopaa ni enikan soso lo ku nibe.
Eni to ba wa soro ni "a o mo nnkan to sele gan. A gbo pe, irole tusidee ni won ti bere, ti won n fi akufo igo bara won ja. Sugbon, laaro yii ni won sadeedee bere sii lo awon ohun-ija bii ibon.
"Nise la ha saarin won nibi, koda a o le ta nnkan kan lataaro taa ti de. Nigba ta o le si soobu. O ga gan-an ni o," 
Sugbon, enikan so pe "eeyan mefa lo ti ku lenu igba ti won bere wahala won. Lale ojo tusidee ni won sa omokunrin kan to n bo lati enu ise re ni Gate. Ojo wesidee ni omokunrin yen ku nileewosan UCH. Oun si lo n toju iya re to ti darugbo. Bee si ni won pa omo ileewe kan, to wo aso sukuu sorun."
"Awon mefa lo ti ku, nitori mo gbo tawon kan ninu won n so pe, o di merin si meji bayii. Sugbon, a o mo igun omo-isota ti won n ba ja titi dasiko yi."
Nigba to n soro lori isele naa, alukoro ileese olopaa ipinle Oyo, Ogbeni Adekunle Ajisebutu fidii isele naa mule. Sugbon, o ni enikan soso lo ku nibe.
Ajisebutu ni, "Enikan soso lo ku. Komisanna si ti pase pe ki awon olopaa maa wa laduugbo naa ni tosan-toru lati le daabo bo emi ati dukia awon eeyan nibe. Owo ti te awon eeyan kan pelu. 
Lasiko taa n ko iroyin yi jo, alaafia pada sibe, bee si nileese olopaa ti so poun o nii foju rere wo enikeni to ba n da omi alaafia ilu ru".

Ojo kerin osu keta ni OLUBADAN tuntun yoo gb'ade.
Olubadan ile Ibadan tuntun, Agba Oye Saliu Adetunji ti fidii re mule pe, ojo kerin osu to n bo yii ni ayeye igbade re yoo waye. Lasiko to n gbalejo gbajumo olorin juju nni, Oloye Ebenezer Obey Fabiyi laafin re ni Popoyemoja ni Adetunji soo di mimo pe, leyin okan-o-jokan ifikun-lukun pelu awon ti oro gberu ni won mu ojo naa.
gege bo se so, lara awon idi ti igbade ohun ko fi waye saaju asiko yii ni lati se eye to ye fun Olubadan ana, Oba Odulana Odugade. Eyi to wa sopin lose to koja yii. O ni "ni tooto, awon igbimo Olubadan ko so nikan, sugbon won gbodo fi oruko Olubadan tuntun sowo si gomina ipinle Oyo, Olola julo Abiola Ajimobi fun ibuwolu.
"Ni kete tee ba si ti koja iyen, ki won fun un yin lojo lo ku. Nitori naa, ojo Jimoh, ojo kerin osu keta ni ayeye igbade naa yoo waye ni Oja'Ba, nibi tawon Olubadan isaaju opa-ase. Sugbon, ojo satide, ojo karun-un ni aweje wemu yoo waye nibi kan ti won ko tii kede.."
Foto : Oludije sile igbimo asoju-sofin lekun idibo Ibadan South West ati North West ninu idibo to koja labe asia egbe oselu Accord, Oloye Adegboyega Taofeek Adegoke lasiko abewo to se si Olubadan tuntun laafin re ni Popoyemoja lojo sannde.

Taa l'oba orin ninu awon eeyan yii? Wasiu Ayinde, Adewale Ayuba, Remi Aluko, Sule Malaika, Obesere ati Osupa

12/23/15 at 1:01 PM

Taa l'oba ninu awon eeyan yi?
Ninu apileko yii, akoroyin wa, YANJU ADEGBOYEGA sagbeyewo oro awon eeyan to n pe ara won l'oba nidii ise orin fuji lonii ati bi onikaluku se j'oye naa gan-an. E maa ba wa kalo...
Lat'igba ti Olorun ti d'aye lawon awujo eeyan ti maa n yan olori tabi asiwaju funra won lati maa dari igbese ati ise won. Eyi ko si yo awujo legbelegbe ati logbalogba sile, koda o kan awujo awon to n korin, paapaa fuji. Sugbon kan to kan wa nibe ni pe, lati nnkan bi ogun odun sasiko yi ko feree si olori kan ni pato laarin won, nitori ti onikaluku kan n j'oba kaakiri ni. Bee si ni won n joye mi-in pelu. E je ka sagbeyewo bi okookan awon to n pera won l'oba lonii nidii ise fuji se joye won ati ona ti won gba jee.
* Oluaye Wasiu Ayinde Marshal (K1).
Fun igba akoko ninu itan orin fuji, okunrin yii lo koko pe ara re l'oba fuji lodun 1993 lasiko tegbe awon to n sagbelaruge awon olorin, Nigeria Artistes Promoters and Manager (NAPAM) seto kan nibi ti won ti fi okunrin naa je oba orin fuji.
Lara awon eeyan to wa nidii igbese ohun nigba naa ni Lanre Alabi; Femi Akinrinwa; Allahu Lateef Nasiru; Wale Omokaro atawon mi-in bee. Inu ogba ileese telifisan ijoba apapo, NTA, Ibadan ni eto naa ti waye lojo naa.
Sugbon, ibeere awon eeyan ni pe, nje awon eeyan taa ka sile yii lase lati fi eeyan joba, to ba je asa ati ise ile Yoruba la fe tele? Opo eeyan si ni ko mo itan to ro mo isele oye oba fuji ti Alaaji Wasiu Ayinde je naa.
Ekun lo ba ikun wa, lasiko ti Alaaji Agba, Aare Sikiru Ayinde Barrister ti n korin fuji lawon kan ti n pee l'oba fuji. Sugbon, ninu awo rekoodu re kan lo ti so pe, ki won ma pe oun l'oba fuji mo. Ninu rekoodu ohun, Alaaji Agba so fun gbogbo eeyan pe, oun gan loun da fuji sile (Fuji Creator) ati ojise fuji (Fuji Prophet) ti Olorun ran wa saye. Bee si lo ti maa n pe, Alaaji Wasiu Ayinde ni "Omooba fuji" (Fuji Prince) saaju asiko naa. O wi eyi daadaa ninu rekoodu re to pakole re ni "Ija Pari".
Oore-ofe yii si lawon to pada fi okunrin naa je Oba Fuji lo nigba tasiko to lati se bee. Boya, nitori ipa ti okunrin naa ti ko nidii orin fuji lo mu ki won gbe igbese lati fi oye naa daa lola.
Eto to wa nile fun ayeye ifinijoye ati igbade ohun ni pe, Ataoja ilu Osogbo nigba naa, Oba Jimoh Oyewale Matanmi ni yoo gbe ade fuji le Wasiu Ayinde lori lojo naa. Sugbon, wahala oro idibo ojo kejila osu kefa ti isejoba Ogagun Ibrahim Babangida wo'gi le to wa nile ko je ki oba alaye naa le yoju sawon iko to fe lo gb'ade ohun. Nitori, onikaluku lo n sa pe kijoba ma nii won n se ipade oselu lodo won.
Bayii si niko naa pada siluu Ibadan, nibi ti won ti pada gbe ade fuji fun Wasiu Ayinde pelu poposinsin re ninu ogba NTA n'Ibadan. Itan ni gbogbo re lonii. Ki Olorun je ki oba o pe.
*Oba Osere Adewale Ayuba.
Okunrin yii fee yato ninu gbogbo awon olorin fuji to ku, tori pe oun gan la o ba maa pe ni akowe laarin awon onifuji, tori ihuwasi ati isesi re bi awon alakowe ni. Kii si ba enikan fa wahala rara, jeje l'omo Eko n lo ni. Amo ninu rekoodu re kan to pe ni 'Acceleration' lo ti so ni odun naa pe kabiesi Oba Akesan fi ohun je Oba Osere, o tesiwaju pe Olorin Oyinbo alawo funfun kan to je omo ile Amerika lo koko je oye naa niluu Akesan. Ninu re lo ti dupe lowo awon ti won wa nibi to ti je oye ohun. Lara awon to si so po wa nibi ayeye toun ti je oye pataki naa ni Alaaji Wasiu Ayinde; Alaaji Rasidi Ayinde merenge atawon mi-in.
*Igwe Remi Aluko.                            Titi di asiko yi, ko seni to le so pato eni tabi awon to fi omokunrin olorin fuji yi je Igwe. Amo o ti pe die toun naa ti n pe ara re ni Igwe, taa ba si woo daadaa, ede awon Yibo loruko to n pera re naa. Sugbon oba nitumo re lede Yoruba, ero awon onwoye nidii amuludun ni pe, o dabi eni pe ija to see se ko suyo lori oro oye naa lo faa ti omokunrin yi fi pe ara re ni Igwe dipo Oba.
* Alayeluwa Sulaimon Alao Malaika.
Ko seni to le so ohun to faa tawon to ronu lati fi omokunrin yii je oba fuji ro debe rara. Eyi ko si le sai ri bee, nitori ti ko figba kan ma maa pe Wasiu Ayinde ni baba ati asiwaju re. Ohun kan to si tun so won papo ju olorin mi-in lo ni pe, ileese kan naa ni won ti jo n gbe awo rekoodu jade, iyen ileese rekoodu Babalaje.
Sugbon, ohun kan to daju ni pe Alaaafin Oyo, Oba (Omowe) Lamidi Olayiwola Adeyemi keta lo jawe lee lori. Ohun ni yoo si je olorin fuji akoko ti oba kan yoo jawe oye orin le lori, yato sawon oye idanilola tabi tiluu tawon asiwaju re ninu orin ti je.
Bi apeere, Alaaji Sikiru Ayinde Barrister joye Baala ilu Eko, Oba Adeyinka Oyekan lo si jawe lee lori. O joye Agbaakin n'Ibadan, Oba Yesufu Oloyede Asanike lo jawe lee lori. Bee si la rawon olorin fuji kaakiri to joye ilu tabi idanilola ti oba kan tabi omi-in jawe fun won. Sugbon, ni ti oye orin fuji yii, omokunrin yii lo koko gba ewe oye lowo oba alaye kan, o si tun wa je Alaaafin Oyo. Iku Baba Yeye.
Ohun kan to kan tun daju nibe ni pe, loju ese nibe ni Malaika ti n so pe oba awon sawaawu oun ni won fi ohun je pelu bo se so pe "Oba Generation" loun. Taa ba si woo daadaa, awon omode olorin fuji ti ko too lo j'oba le lori loooto pelu bawon agba olorin to ba niwaju ko se nii gba pe oun l'oba lori won.
* PK Abass Akande Obesere
Asiko kan naa wa ti Alaaji Abass Akande Obesere naa n so kiri pe oun je oba orin fuji, to pe ni Paramount King of Fuji. Bo tie je pe, ariwo re ko pe lo sile. Sibe, ko seni to le so ni pato taa lo fi joye ohun.
Bee si ni ko seni ti ko mo pe, okunrin naa se eyi lati fi tako oye Oluaye fuji ti Wasiu Ayinde ni. Koda, saaju asiko yen ni Obesere ti koko pe ara re ni Oodua fuji ninu rekoodu re kan to pe ni Overthrow nibi to so pe oun ti gbajoba orin. Ati pe, oun Oodua ni oba orin tooto.
* Oba Orin Saheed Akorede Osupa.
Yoruba ni ekun lo n ba ikun wa. Bo tie je pe, opo awon eeyan si n so orisirisi nipa oye "Oba Orin" ti omokunrin yii je, sibe opo eeyan lo gbagbo pe, agba lo t'oro lo. Ode lo to eyin erin fon loro oye oba to je naa. Nitori pe, Mr Fuji funra re, to ni ki won ma pe oun l'oba fuji mo lo fi joye ohun.
Bo tie je pe, nitori ati gb'esan iwa afojudi ti Alaaji Agba gbagbo pe Wasiu Ayinde hu sii lo mu oro oye naa wa. Sibe, awon ololufe orin fuji kan gbagbo pe oye naa to si Saheed Osupa pelu bi won se maa n gbosuba fun un po mo ohun ti won n pe ni orin.
Iwadii akoroyin yi lasiko ti Alaaji Agba wa laye fidii re mule pe, oro itan fuji ti Wasiu Ayinde so ninu rekoodu re "Flavour" wa lara ohun to bi oye ti Osupa je naa. Se ninu awo rekoodu taa n so yii, Wasiu Ayinde gbiyanju lati moriri awon eeyan to so po ti koko korin fuji ri. Bee lo si ka oruko won sile, sugbon to je ibi keedogun lo fi oruko Alaaji Agba si.
Eyi si bi okunrin naa ninu pupo, nitori to ri iwa ti Wasiu Ayinde hu ohun gege bi arifin ati afojudi sii. Koda, o so lasiko tegbe onifuji, FUMAN seto pataki kan fun un lati dawoo idunnu pelu re lori ami-eye orileede yii, MFR tijoba apapo fun to waye nile igbafe kan laduugbo Oluyole Estate niluu Ibadan pe ko seni naa to ko orin fuji saaju oun rara.
O toka pe gbogbo awon ti Wasiu Ayinde daruko ninu rekoodu yen kii se onifuji. O ni "Sakara ibile Eko ni Saka Laigbade ko, bee si ni Jibowu Barrister ko tie korin ri rara. Nise lo maa n ko'ni lorin. Gbogbo awon eeyan wonyi ni mo ti daruko ninu rekoodu mi ti mo pe ni "Fertaliser". Asiwaju mi ni won ninu orin "Were" taa n ko nigba naa.
Awon onwoye kan nidii amuludun ko si sai toka igbese Alaaji Agba ohun lati fi Saheed Osupa j'oba orin lati le gbesan oro naa lara Wasiu Ayinde. Koda, awon oro to n so lasiko t'oro oye naa n da wahala sile fi han pe nise lo mo on mo huwa naa.
Ju gbogbo re lo, bi oba se po to nidii orin fuji yii. Ko si ani-ani pe, asiwaju pataki kan ni Alaaji Wasiu Ayinde taa ba n soro olorin paapaa fuji lorileede yii ati kaakiri agbaye. Eyi ko si sai ri bee, taa ba wo ipa to ti ko lati rii pe orin naa le fegbe kegbe pelu awon orin to ku kaakiri aye. Bee si lawon to ku naa ti gbiyanju se bebe lona kan tabi omi-in nidii ise orin kiko ti won yan laayo.
Ohun kan to si daju tadaa, gege bi Saheed Osupa se so fun akoroyin wa ninu iforowero kan to se lasiko odun awon onifuji, FUMAN Day ti won se niluu Ibadan ninu osu kewaa pe ija emi ju o, iwo o ju mi lawon olorin n ja.
Eyi fi han gba-n-gba pe, igbese yoowu ti enikookan won ba gbe nidii ise naa. Nise lo se k'iyo o le dun tie.

N'Ibadan, ELEHA bimo marun-un leekekan naa.

- O n beere fun iranlowo omo Nigeria.

Yanju Adegboyega

Titi dasiko tee n ka iroyin yii, nise loro obinrin Eleha kan, Sakirat Rasaq si n se gbogbo eni to gboo ni ha hin, pelu bo se bi omo marun-un leekan soso. Koda, opo awon eeyan to gbo soro ohun, sugbon ti won o gbagbo lo n sare lo sileewosan ekose isegun UCH to wa niluu Ibadan nibi ti ise iyanu nla naa ti sele. 

 Akoroyin wa gbo pe, baba awon omo marun-un ohun, Alfa Yusuf Ewenje, eni odun mejilelogbon lo je afaa akomonikeu. Nigba ti iya awon omo ohun Sakirat, eni odun mejidinlogbon je iyawo ile. Gege bo se wi, Ewenje ni awon mo pe marun-un l'omo to wa ninu iyawo oun lasiko ti won lo ya foto inu re nigba to oyun naa wa ni osu meta.

O ni : “Aworan inu re taa ya nileewosan Adeoyo lo ti koko fi han pe omo marun-un lo wa ninu re. Nibe si ni won ti so fun wa pe, o nilo lati sinmi daadaa lori ibusun. Lati ojo naa ni won ti n toju re titi di ana (Ojo monde), nigba taa wa sibi lati gbebi re. “Bi mo se wa yii, ko si nnkan kan lowo mi, nitori pe keu ti mo n ko awon omo ni mo fi n ri owo mu lo senu. Mo fe kawon eleyinju aanu omo orileede yii lati dakun wa saanu mi. Mo n lo asiko yii lati ke si Gomina Abiola Ajimobi, iyawo won, Arabinrin Florence, minisita fun eto ilera, Ojogbon  Isaac Adewole atijoba apapo orileede yii lati dakun dide iranlowo si mi. Ayo tiwon naa ko nii dibanuje.

Iya ibarun-un naa, Sakirat lasiko ton bakoroyin wa soro sapejuwe ara re gege bi eni to soriire pupo. Bo tie je pe, ko gba ki enikeni ya foto oju re, nitori igbagbo esin re ti ko faaye ko si oju sile fun un. Sibe, leyin to ti gba ase lowo oko atiyawo re, alukoro ile-ekose isegun UCH, Ogbeni  Deji Bobade pada ya foto re, eyi ti akoroyin wa ri gba lori ikanni ayelujara facebook re.

Bobade soo di mimo pe, alaafia ni iya atawon omo re ohun wa, sugbon o salaye pe "won nilo iranlowo owo gan ni.”

Taa ba renikeni to nifee lati ran iya olomo yii lowo, nomba akanti banki re ni: RASAQ BABATUNDE YUSUF

GTBANK

0131404208

N'Ibadan, Eleha bi omo marun-un leekan naa.

N'Ibadan, Eleha bi omo marun-un leekan naa.
- O n beere fun iranlowo lodo ijoba
Omobinrin Eleha kan, Sakirat Rasaq, eni odun mejidinlogbon to je iyawo ile. Ti oko re, Afaa Yusuf Rasaq to n komo ni keu lo bi omo marun-un leekan naa sileewosan ekose isegun, UCH niluu Ibadan lonii.
Iroyin to kan wa ni po nile iranlowo. Tee ba ni ohunkohun lati se fun un, e kan sawon alase ileewosan UCH.

OLUBADAN tuntun soro; o ni nise lawon SERIKI n japoro.

Olubadan tuntun, Agba Oye Saliu Adetunji ba ALARIYA OODUA soro
Won maa n pa owe kan niluu Ibadan, won a ni "Oro oye Ibadan ko ni eja tabi akan ninu. Titi aye, akan ni yoo maa se". Eyi lo d'Ifa fun jije oye Olubadan ile Ibadan. Laipe yii ni awuyewuye kan sele leyin ti Olubadan ile Ibadan, Oba Samuel Osundiran Odulana Odugade kin-in-ni teri gb'aso nibi ti Oloye kan lati igun Seriki, Oloye Oyediji ni oun nipo naa to si. Bee, Oloye Saliu Adetunji to je Balogun ile Ibadan lawon igbimo Olubadan ni won fe nipo naa.
Akoroyin wa, YANJU ADEGBOYEGA ni gbolohun pelu Olubadan to n bo nipo naa laipe yii. E maa ba wa kalo...
Ibeere : - Kee to debi tee de lonii, tee ba boju weyin, yoo to odun meloo tee ti ro'le?
Idahun : - Bi ogoji odun l le die ni.
Ibeere : - Oju opo n ko?
Idahun : - Ti Balogun ni mo wa.
Odo baba wa, Olubadan Adebimpe ni Odinjo si ni mo ti bere oye jije.
Ibeere : - Taa ba wo asiko naa si isin-in, opo ipenija ni yoo wa. Nje a le gbo die nipa awon ipenija yii, ka fi kogbon?
Idahun : - Se e ri teeyan ba ti gba ona kan wole, ko si wahala. Sugbon, awon ohun to sele laarin igba yen, ti enikan mo on mo rii pe won gbe mi kuro nibi to ti ye ki n ti lo odun meta, lati le da mi pada seyin. Awon omo to je looya ni ki n je kawon o pe ejo. Mo ni mi o p'ejo. Mo ti gbaa ni kadara mi.
Nigba ti mo lo, ohun ti mo ti se sile, ti mi o pari. Gbogbo awon ti won n gbe lo sibe ko rii se, emi ni Olorun pada fun se. Ijoba ibile Ona-Ara ni. Lojo naa, ti oun si wa ni Mapo, o ye ki won fun mi ni Ariwa Ibadan. Ko je ki won o fun mi, o lo agbara re. Sugbon, Olorun ti sedajo tie naa.
Ibeere : - Eyin agba maa n so pe, mo koo a maa ni apeere. Popoyemoja nile yin, ibo ni oko yin nijoba ibile wo?
Idahun : - Onipepeye loruko aba wa. Ijoba ibile Oluyole lo bo si.
Ibeere : - Nigba ti Kabiyesi to waja wa laye, won sakitiyan lori oro aafin tuntun. Sugbon, ko tii niyanju titi olojo fi de. Igbese wo l'eyin fe gbe lati rii pe ise pari lori re loju ojo?
Idahun : - E seun. Oluwa yoo ran wa se. Nigba temi ati gomina n soro, a soro debe. Mo si mo pe pelu ogo Olorun, ti mo ba de ori apere, a o tun jo soo. Olorun yoo si ba wa see.
Ibeere : - Iyen okan. Awon afojusun nnkan daadaa wo le tun ni fun ilu Ibadan lasiko yin?
Idahun : - Ki Olorun fori ji baba wa Olubadan to gbe'se, gbogbo ohun ti won ba n fe naa la jo maa n so. Ohun kan to si mumu laya gbogbo wa, taa n be Olorun si ni ipinle Ibadan. A si ti kuro nigboro Ibadan nitori re ri, taa lo siluu Abuja. Agbejoro Akinjide lo lewaju wa lo nigba naa.
A o mo pe, eni to wa nibe lasiko naa ko nii see. Tee ba wo ilu Ibadan, e o rii pe kii se ilu mo. O ti di aye, awon ilu to dabi pe won ti wa lominira ara won. Won o to wa.
Sugbon, Olorun ma jee ka ri ogun abinu eni. A o mo nnkan taa se fun onitohun, nitori taa mo pe awon eeyan kan lo wa nidii re. Debi pe, Alaaafin Oyo, Oba Lamidi Adeyemi gan fi enu sii pe ki won fun wa nipinle Ibadan.
T'eyin naa ba wo Ibadan lonii, e o rii pe o koja ohun teeyan n pe niluu.
Ibeere : - Taa ba ni ka woo. Ki Olorun ba wa te Olubadan ana safefe rere, ajosepo wo lo wa laarin yin nigba aye won?
Idahun : - Ajosepo to po ni. Nitori pe, baba mo pe emi nibi keta si won. Eni to si je oga temi, to je Balogun nigba naa, Agba Oye Sulaimon Omiyale, ti baba ba jokoo, awon a jokoo tele won. Emi naa yoo jokoo. A o jo wa maa so ohun taa n fe fun Ibadan.
A dupe lowo Olorun pe lonii, emi ni mo wa nipo Balogun. Ipo Balogun ti mo si wa ohun, awon eeyan ti n pe mi ni Olubadan lai tii gba opa-ase. Adura mi ni pe ki n le gba opa-ase. Ko si soju eyin naa. Ti won ba si wa gbe ade le wa lori tan, Olorun je ka pe nibe.
Ibeere : - E ti so daadaa nipa Olubadan to gbe'se. Nje e le so die nipa iwa won?  Nje a ri ohun taa le fi se eko ninu iwa won?
Idahun : - Baba feran ilu Ibadan pupo. O si feran gbogbo awa taa je ijoye re, nitori pe t'oro kan ba wa. Ko too fesi lee, yoo koko beere lowo awa taa je ijoye re. Ohun taa ba si so pe ko se ni yoo se. Baba kii da nnkan se.
Ibeere : - Lenu asiko ti won lo je ipe Olorun yii, orisirisi ero lo ti wolu Ibadan. Lara won ni aare orileede yii tele, Oloye Olusegun Obasanjo. A si gbo pe, won sabewo sodo yin. Ohun taa gbo ninu iroyin ni pe ipade atilekun mori se le jo se. Ki lawon ohun tee jo so?
Idahun : - E seun. Omooya lemi ati Oloye Obasanjo. Oro omooya la si jo so. Eyi ti kii se ohun taa le so fun un yin rara.
Ibeere: - A o gboo to ba ya. Abi bawo ni?
Idahun : - Ti Olorun ba so pe, e o gboo. O see se kee gboo. Nitori pe, iya kan lo bi awa mejeeji, bi mo se so saaju. Nitori naa, oro aarin ara wa la so. A tun ti jo soro laaro yi lori foonu. A nifee ara wa pupo ni.
A jo maa n damoran gan-an ni, nigba to n sejoba. Mo si dupe lowo Olorun pe, odun mejo to lo nipo, ko si aburu, nitori, to maa n tele imoran. Nitori naa, mo dupe lodo Olorun.
Ibeere : - Ki le ri soro awon igun kan to n so pawon ni oye Olubadan to si?
Idahun : - Se e ri awon yen. Se e mo pe, elomi-in a maa ja watiwati lori idaamu to ba baa. Won o le ma ja watiwati, sugbon watiwati won ko de ibikan nitori pe, ko si ohun to n je oruko ti won n je yen mo.
Ibeere : - Oro se wa di pe, emi lo ye ki n bo sori apere baba mi. Ti won si ti n dana, ti won n se ti won n so?
Idahun : - Se e rii, ti won ba pa adie tabi eran. Yoo maa ja watiwati, o si le se bee fun bi iseju mewaa tabi ju bee lo. Iru re lo n sele yen. Ko si nnkan to n je Seriki mo.
Lasiko baba mi, egbon mi, Oloye Akinloye. Oun naa ja watiwati pe ki Seriki le wole si oju opo Olubadan. Omooya si lemi atie, mo si n so fun un nigba yen pe, egbon mi, e lo wole si igun to ba wu yin ninu Balogun tabi Otun. Igun seriki tee wa yi, ko sona nibe. Yoo ni se mi o mo pe looya loun ni. Maa ni, mo mo pe looya ni yin.
Nigba tee lo siluu siluu oyinbo lodun 1944 lo ko'se looya. Nigba tee de, sebi e ba wa nibi taa n se ilu lo ni. Tee wa ki wa pe e ti de o.
Mo ni tee ba je looya, ko le ju ti Rotimi Williams lo. Nitori naa, e ma fokan sii. Ko le bo sii.
Yoo ni aburo mi, Akanmu yoo bo sii. Maa ni egbon mi, e wa nnkan mi-in so. 
Nitori naa, igun meji, yala Balogun tabi Otun nii je Olubadan. Oro eeyan je looya ko lo wa nile yi, asa ati ise ile Ibadan ni.
Ibeere : - Se ohun tee n so bayii ni pe, e o ri iwe ipejo kankan?
Idahun : - Won pe ejo. Sebi akowe wa la ran lo.
Ibeere : - Se e si ro pe, iyen ko le da nnkan sile?
Idahun : - Sebi ile-ejo ti so fun won pe, ko soro nibe.
Ibeere : - Sugbon, eni yi so pe, o niye owo toun na lori oro yi. Eyin naa le si kuku wa ninu igbimo Olubadan. Se ooto ni po gb'owo ranse?
Idahun : - Eni ti won ba gb'owo ranse si, e ni kawon funra won o soo. Ki won so bi eni naa gbaa lowo won ati eni ti won fi ran.
Lenu igba to gbo pe, emi ni mo fe joba yii, won ti wa ba mi. Ti mo si so fun won pe ki won o m'enu kuro nibe.
Ibeere : - Bo se je pe eya kaakiri agbaye lo wa niluu Ibadan yi, nje o see se ki enikan de ade pe oun ni oba awon eya oun niluu Ibadan?
Idahun : - Eni to ba je Yibo tabi Hausa ko le de ade kankan niluu Ibadan. Eni to ba fe de ade ko lo to fun un niluu re. To ba si ti dee, to ba ti fe wo ilu Ibadan yoo gbe nnkan re pamo ni.
Ibeere : - Ohun to fa ibeere yi wa ni pe, gbogbo igba la maa n gbo oba kinni kan. Awa naa si dake, a o soro. Bee ni igbimo Olubadan ko wi nnkan kan?
Idahun : - Se e rii, tee ba gbo pe eeyan je nnkan kan niluu Ibadan. Nitori, Olubadan funra re fowo sii ni. Sugbon, pe Olubadan lowo sii ko fun won loore-ofe ati de ade. Olori eya won lo fi won je.
Ibeere : - Lenu igba ti Olubadan gbe'se, nje eyin atawon oloye to ku si n rira?
Idahun : - A n rira. Koda, won wa nibi lanaa. A jo lo sepade pataki kan, nibi ti won ti wa f'owo sii pe ki n je Olubadan. Won ti se iwe ti gbogbo won buwo lu, won ti fi ranse si gomina atawon afobaje pe ki won o maa mura sile. Won ti yan eni bayii ni Olubadan, eni naa si ni Saliu Adetunji.

Ede YORUBA nikan la o maa so laafin Ibadan - ADETUNJI, Olubadan tuntun. E kaa siwaju

Yoruba nikan l'ede l'aafin bayii - Adetunji
Yanju Adegboyega
Balogun ile Ibadan, eni tireti wa pe yoo bo sipo Olubadan, Agba-Oye Saliu Adetunji ti soo di mimo bayii pe ede Yoruba nikan ni won yoo maa so ninu aafin lati asiko yi lo. O salaye pe, gege bi isedale ati asa, awon oba nigbagbo wa po ni gbogbo ohun isura iran won lowo, eyi to ni idi naa to fi ye ki won maa gbe asa ati ise won laruge niyen.
Adetunji, eni to soo di mimo pe ile lati n ko eso rode ni ko si ohun to buru to ba je ile Ibadan ni yoo siwaju ninu igbelaruge ede Yoruba. Nitori to kuku wa lakosile pe, Ibadan naa ni gbogbo ohun akoko daadaa ti sele lorileede yii.
Ko sai wa mu un da gbogbo awon eeyan to n wa kii ku oriire loju pe, okan pataki lara ise ti oun yoo mu se ni ona lati rii pe ipinle Ibadan je dida sile laipe. Nigba to n te siwaju ninu oro, Adetunji soo di mimo pe awon eeyan bii Balogun ile Ibadan tele, Agba-Oye Sulaimon Omiyale ati baba isale awon oloselu ipinle Oyo tele, Oloye Lamidi Adedibu pelu awon agbaagba Ibadan kan lo n yo oun lenu lati wa je Mogaji agboole oun. Eyi ti oun si wa n gun akaso naa diedie ati pe metalelogun ni akaso ti oun gun de aaye ti oun wa ohun bayii. 
O ni, odun 1976 ni oro idasile ipinle Ibadan ti bere. Opo igbese ati akitiyan lo si ti waye lati rii po bo sii. 
Adetunjji, eni to wo aso agbada leesi olowo nla kan ni ise rekoodu olorin toun n gbe jade n lo deedee niluu Eko atawon ibomi-in ti eka re wa. O wa ni, eni to ba ko gbogbo ile aye re le Olorun lowo nikan lo le se irufe awon aseyori ti oun ti se laarin odun 1976 ti oun di Mogaji si asiko yi. 
"Idasile ipinle Ibadan lohun to koko je mi logun bayii, a ti lo siluu Abuja bi eemeta. Eni to si wa nibe tele seleri fun wa, a o si maa tera mo on ni. Mo si nigbagbo pe yoo see se lasiko temi." 
"Inu mi yoo dun, nigba ti won ba da ipinle Ibadan sile fun wa. Eyi ti yoo mu idagbasoke ba ile Ibadan lapapo"
"Mo dupe lowo Olorun, Olorun nikan nii gbe eeyan depo Olubadan, nitori kii se gbogbo eni to gun awon akaso yen naa lo n de ipo Olubadan. Awon eeyan bi Oloogbe Omiyale ati Adedibu lo n yo mi lenu lati wa ro'le." 
Lara awon to ti wa ki Olubadan to kan naa ni omo igbimo agbaagba ile Ibadan ti Ambasado Olusola Saanu lewaju won. Awon omo egbe Oluyole Club niluu Eko, eyi ti Giiwa ile-eko giga yunifasiti Obafemi Awolowo tele, Ojogbon Niyi Osuntokun lewaju won. Baale Kunmi Omikunle ko awon Onisese Osemeji leyin wa, nigba ti awon olori ebi Oyakojo ko awon egbe alagbo-eleweomo to wa l'oja Bode wa sibe.
Alaaji Rasheed Ayinde Merenge lo siwaju awon oloye egbe olorin fuji, FUMAN wa lati se "ago l'aafin". Lara awon to wa nibe ni aare egbe, Alaaji Moroof Shado; akowe, Alaaji Gani Composer; Kolotiti; Alaaji Taofeek Omoowo pelu alaga egbe nile Ibadan, Santora

Polowo oja re lori ikanni GBELEGBO, akoko iroyin Yoruba lori ero ayelujara.

Won sinku OLUBADAN ODUGADE, gbogbo eeyan n so pe eni rere lo. Sugbon, awon ka ni eewo ni. Won kii te oku oba sita gba-n-gba.

Won sinku Olubadan ODUGADE, gbogbo eeyan lo n so peni rere lo.
- Sugbon, awon kan ni eewo ni. Won kii te oku oba sita gba-n-gba nile Yoruba.
Yanju Adegboyega
Ojo Jimoh ose to koja, ojo kejila osu yii ni won fi ara Olubadan ile Ibadan, Oba Samuel Osundiran Odulana Odugade kin-in-ni fun ile leyin isin idagbere to waye fun un ninu ijo Peteru mimo, Aremo niluu Ibadan. Eyi to pari ayeye isinku olojo mesan-an tijoba ipinle Oyo gbe kale lati bu ola fun oba alaye naa.
Sugbon bi eto isinku ohun ti dun to, larinrin to, opo awon eeyan lo ti n bu enu-ate lu bi won se n gbe oku re kiri. Ti won si tun n tee sile lawon ibi kookan fun odidi ose kan naa. Ileewe girama Igbo Elerin nijoba ibile Lagelu ni won ti koko te oba alaye naa nite-eye fawon araalu lati maa woo lojo monde ose to lo. Leyin naa ni won tun tee sinu agboole baba re, Ladunni laduugbo Oja'Gbo nirole ojo naa.
Lojo wesidee ojo kewaa osu yii ni won tun tee sile fawon araalu lati dagbere fun un ni gbongan nla Mapo. Ti won si tun tee sinu ile awon loba-loba to wa nile igbimo asofin ipinle Oyo lojo tosidee ose kan naa.
Eyi si lawon eeyan to mo nipa asa ati ise Yoruba si n toka si gege bi eyi ti ko ba oju mu rara. Enikan to je agba awo nile Ibadan, Baba Awo Olalekan Atikiriji salaye pe, ko ba ilana isedale ile Yoruba mu lati maa te oku oba alaye sita gba-n-gba fawon eeyan lati maa wo, nitori eni-owo ni won.
"Kii se nnkan to bojumu rara nile Yoruba lati maa te oku oba sita fawon eeyan lati maa wo, nitori eni-owo ni won.
Bo tie je po salaye pe, kii se pe iwa ohun ni aburu kankan to le se fun ilu. Sugbon, o ni sibe nise lo ye ki won pa oku naa mo. Eyi ti won fi n gbee kiri yii. Nigba to n soro lori isele naa, Otun Olubadan ile Ibadan, Agba Oye
Lekan Balogun sapejuwe tite ti won n te Olubadan nite-eye naa gege bi ona lati fun awon omo bibi ati olugbe ilu Ibadan loore-ofe "lati fife won si eni to ti je olori won han si gbogbo aye.”
“Erongba to wa leyin tite ti won te Olubadan nitee-eye ni lati fawon araalu to ti se olori le lori lanfaani ati fife ti won ni sii han gbogbo aye. Eni to kopa to po ni Oba Odulana, kii sii se ile Ibadan tabi ipinle Oyo nikan. Bi ko se ni gbogbo orileede Nigeria lapapo. Lati moriri ipa to ti ko ninu amuludun ati igbaye gbadun awon eeyan re lo je ki won te oku re ni Igbo-Elerin ati ni agboole baba re ni Aremo, Oja’gbo.
O ni “eto yi ni won se fun awon eeyan to ti se olori fun lat'igba yi wa loore-ofe ati kii po digboose. Ko to di pe won yoo sin oku re. Eto yi si ba ode-oni mu fun okunrin naa tigbagbo wa pawon eeyan re feran, ki won le bu ola fun un.”
Sugbon, ni asa ati ise ile Yoruba, eewo ni lati te oku oba alaye sile fawon eeyan lati maa pe wo.
Ojo tosidee, ojo kerinla osu kerin odun 1914 ni won bi Oba (Omowe) Samuel Osundiran Odulana Odugade kin-in-ni sinu idile Alagba Odulana Ayinla ni Igbo Elerin, ijoba ibile Lagelu.
Ohun kan to mu kawon omo Ibadan yato ni pe, yato si agboole won nigboro. Won tun gbodo ni oko lawon ilu to wa labe Ibadan. Nitori naa, yato si aba Fadina ni Igbo Elerin, Oba Odulana tun je omo agboole Ladunni laduugbo Oja'Gbo nigboro Ibadan.
Se omo ti yoo ba je Asamu, kekere ni yoo ti maa j'enu samusamu. Lati kekere ni Samuel ti bere sii fi amin asiwaju han, nigba to di odun 1922 nigba to je eni akoko ti yoo lo sileewe ninu molebi re.
Ileewe alakoobere Saint Andrews, Bamigbola lo ti bere iwe kika re. Leyin naa lo wa sigboro Ibadan, ileewe St Peters, Aremo lo si ti pari eko re lodun 1936. Nitori tawon ileewe girama sowon die nigba naa, o foruko sile fun ile-eko gbele (Correspondence College) lati safikun eko ati imo re.
Leyin to kuro nile-eko, o sise fungba die nileese UAC gege bi akowe ire-oko, ko to gba ise olukoni nileewe CMS, Jago nijoba ibile Ona-Ara asiko yi laarin odun 1938 si 1942.
Nitori ife to ni sile baba re, Oba Odugade lo darapo mo omo-ogun Iwo Oorun ile Africa (West African Volunteers Force) lati doju ija ko oga ogun ile Jamani, Adolf Hitler lasiko ogun agbaye eleekeji. Leyin ti ogun ohun pari lodun 1945, oun lo wa nidii idanilekoo fawon abode ogun niluu Eko to je olu-ilu orileede yii tele. O sise re ohun daadaa to bee ti won fun un ni ami-eye, eyi to mu kileese eto eko ijoba oyinbo fun un nise lodun 1946.
Ise re tuntun yii lo si fun un loore-ofe lati sunmo awon omowe asiko naa. Lara won si ni okunrin oludasile opo ile-eko, Oloye T.L Oyesina, eto to da ileewe girama Ibadan Boys High School sile atawon eeyan nla-nla asiko naa.
Odun 1959 lo feyinti lenu ise oba lati lo sin awon eeyan re nigba to dije dibo wole sile igbimo asofin to keyin saaju ominira orileede yii lodun naa. Asiko yii gan ni Olootu ijoba orileede yii, Alaaji Abubakar Tafawa Balewa yan an gege bi akowe ile igbimo asofin re. Ipo yii lo si mu ko wa nibi ipade nla awon orileede to n se asepo oro-aje (Commonwealth Conference) niluu London lodun 1963. Lodun yii kan naa lo di minisita keji fun oro osise. Bee si lo ti figba kan tabi omi-in sise okan-o-jokan fun orileede yii, eyi to mu kijoba Oloogbe Aare Musa Yar Adua fun un ni ami idanilola orileede yii, CFR. Bee si lo gba ami idanilola omowe ti ile-eko yunifasiti ekose imo-ero ilu Akure, ipinle Ondo lodun 2005.
Odun 1972 lo je Mogaji agboole won, to si to titi to fi je Olubadan ogoji lojo Jimoh, ojo ketadinlogun osu kejo odun 2007.
Ki Olorun tee safefe rere