Ope o! Ile-ise olopaa ti gbawon obirin meta ti won jig be n’Ibadan sile leyin ojo merin lahamo

 

Ope o! Ile-ise olopaa ti gbawon obirin meta ti won jig be n’Ibadan sile leyin ojo merin lahamo

(O ti jade ninu iwe iroyin ALARIYA OODUA ose yii)

Yanju Adegboyega

Leyin ojo kerin tawon ajinigbe pamo beere owo kan ti lo ji awon eeyan kan gbe ni abule Onipe, ilu kan to wa loju ona Ibadan si Ijebu Ode nijoba ibile Oluyole, ile-ise olopaa ipinle Oyo ti gbawon obinrin meta kan sile bayii, ti won si ti di ominira ara won.

Gege ba a se gbo, awon obinrin ohun ni won jabo lowo awon to ji won gbe ohun ninu igbo lojo jimoh ose to koja, iyen ojo kerindinlogun osu yii, nigba tawon osise olopaa ti oga tesan Idi Ayunre lo gba won sile ni deede aago mesan-an aaro, nitosi ile-ise eleja kan leba igbo kan lagbegbe Ogunmakin.

Awon eeyan toro ohun kan ni Abileko Theresa Okeowo, Abileko Abosede Adebayo ati Abileko Bola Ogunrinde.

Akoroyin wa gbo pe, Abileko Okeowo yii, to je olukoni nile-eko girama kan nipinle Ogun ni obinrin soja kan, Abileko Ogunrinde fi moto gbe oun ati Abileko Adebayo, ti oun je dokita onisegun oyinbo to n toju eyin. Nibi ti won si ti n lo naa lawon to ji won gbe ohun ti ji won gbe lojo monde, ojo kejila osu yii.

Abileko Adebayo, iya olomo meji la gbo po si fun omo re kekere l’oyan lasiko ti won fi ji won gbe naa.

Iroyin kan ta a gbo so pe, nigba tawon olopaa ko je kawon ajinigbe ohun gbadun pelu bi won se n topa kiri inu igbo, won gba lati gba owo kan ta o mo iye to to. Leyin naa si ni won fi ona tawon eeyan naa fi le debit i won yoo ti ri won han won.

Enikan kan to bakoroyin soro ni, awon eeyan naa ko see ri rara, nigba ti won yoo fi ri won ninu igbo, bee si lo han loju won pea are ti mu won, nigba tawon olopaa yoo fi ri won.

Nigba to to n fidii iroyin ohun mule, alukoro ile-ise olopaa ipinle Oyo, Adewale Osifeso ni aseyori naa ko seyin akitiyan awon osise olopaa pelu bi won se tu gbogbo igbiyanju awon ajinigbe naa pale.

Osifeso ni “igbiyanju, ogbon atinuda ati lilo ise iwadii to jingiri, eyi ti komisanna olopaa, Ngozi Onadeko lewaju re lo mu eso rere yii wa.

Alukoro ile-ise olopaa yii toka pe, bi won ko se je kawon ajinigbe ohun rimu mi pelu bi won se n fi gbogbo igba lo kolu ibuba won ati bi won ko se yee topa won lo je ki won fawon eeyan naa sile.

O safikun oro re pe, won ti sayewo ilera awon obinrin yii, bee si ni won ti fa won lawon ebi won lowo pelu afikun pe ise si n lo lati rii powo te awon ajinigbe ohun.

 

Onijekuje ni o, PDP Oyo kolu Muhydeen Bello

Onijekuje ni o, PDP Oyo kolu Muhydeen Bello

(O ti jade ninu iwe iroyin ALARIYA OODUA ose yii)

Yanju Adegboyega

Egbe oselu Peoples Democratic Party, PDP nipinle Oyo ti na’ka aleebu si okunrin oniwaasi nni, Sheikh Muhydeen Ajani Bello lori awon oro kan ti won lo so nipa isejoba egbe ohun nipinle naa labe akoso Onimo-ero Seyi Makinde, eyi ti won sapejuwe gege bi ohun ti ko ye ko maa jade lenu eni tawon eeyan n wo gege bi asiwaju esin gidi.

Egbe oselu PDP toka pe, oro ti Bello so ohun ni ko ye omoluabi, ko to ati po fi han gege bi onijekuje. Ninu atejade kan ti alukoro egbe naa nipinle Oyo, Onimo-ero Akeem Olatunji fi sita niluu Ibadan lojo tosde ose to koja. O ni, oro ti Bello so nipa isejoba Seyi Makinde fi han po ti gb’owo abetele lowo awon to gbe waasi ita gba-n-gba to ti soro ohun kale. Eyi to lo lodi si eko ti esin Islami fi ko iran omoniyan.

Bello la gbo po je oludanilekoo ati oniwaasi nibi eto waasi inu aawe tawon ololufe ati alatilyin gomina tele nipinle Oyo, Oloogbe Seneto Abiola Ajimobi gbe kale, akoko iru re leyin iku okunrin naa.

Sugbon, egbe oselu PDP ko je k’oro ti Bello so ohun tutu rara, ki won to ko o pada si i lenu. Alukoro egbe ohun, Akeem Olatunji ni ta a ba wo awon ise idagbasoke ti isejoba Gomina Seyi Makinde gunle atawon erongba amayederun gbogbo tawon eeyan ipinle Oyo n jegbadun re, a o rii daju pe ise ota eni kii pa odu oya ni Bello n je.

Olatunji lo je ohun to bani lokan je pe, Bello ti ko le soro lasiko ti gbogbo nnkan polukurumusu nipinle Oyo labe isakoso to koja, nigba tawon omo isota 1 million boys n soro. Tawon osise ijoba atawon osise-feyinti n ku lera won, nitori ti won ko ri owo-osu ati owo ifeyinti gba. Tawon agbase se kuna lati sise owo ti won gba tabi ki won sise ti ko dara to, nitori owo abetele tawon osise ijoba ti gba lowo won, saaju ki won to sise. Ti ko ri nnkan kan so si bijoba APC to kogba sile se n fooro emi awon ara-ilu nipase fi fi won sinu ise ati osi, pelu bi owo se wa nile fun ijoba to nigba naa. O ni ti Bello ba wa n soro lati fi ibi to fi si ninu oselu han lasiko yii, eyi to le sakoba fawon ara-ilu, ohun to bani lokan je gbaa ni.

Egbe oselu PDP ni bi ko se si ajakale arun COVID-19, ifehonu han EndSARS, wahala Fulani daran-daran atawon isoro eto aabo lasiko isejo APC to kogba sile to, sibe ijoba ohun si je awon osise lowo osu. Bee lo si tun je awon osise-feyinti to ti lo gbogbo igba ti won wa l’abarapa sin ipinle Oyo lowo. Sibe, isejoba APC to kogba sile ko ri tiwon ro lori ajemonu won.

Atejade ohun ni gbogbo awon isoro eto aabo taa ka sile yii, lo je abo ikuna ijoba apapo labe isejoba APC, yato si ti ajakale arun COVID-19 nikan, to je gbogbo agbaye lo ba finra. Egbe PDP wa ni, tisejoba APC ba foju wina die ninu ohun toju isejoba PDP labe Seyi Makinde n ri nipinle Oyo, o see se ki won ti ta ipinle naa ni gbanjo fun ile China nipase eyawo ti ko nii see san tan.

Egbe PDP ni okunrin oniwaasi yii ti te eto ti enikeni ti won ba pe ni oniwaasi ni loju mole, nitori ife owo to ni pelu bo se so waasi re di “owo ree, oja ree”, nilodi si iyinrere ife, alaafia ati ododo ti esin Islam ni ka maa tan kiri.

“Akiyesi wa ti lo sibi oro ibaje kan, oro ti ko fidii mule kan. Oro to tako iwa omoluabi kan ati eyi to fiwa ijekuje han ti won ni Sheikh Muhydeen Ajani Bello so nibi idanilekoo inu aawe Ramadan olodoodun niranti Abiola Ajimobi to waye lojo wesde, ojo kerinla osu kerin niluu Ibadan.

“A o ba ma tie ronu po ye ka fesi soro ohun, nitori ibowo fun osu alaponle Ramadan, sugbon a ro o po ye ka je ki gbogbo eeyan mo ki ni ooto to wa nidii waasi “owo ree, oja ree” naa, ka ma lo faaye sile fun okunrin oniwaasi yii lati f’ero ti ko ye sokan awon omo-iya wa ninu esin Islam.

“Lakoko, ta a ba wo ti osu alaponle Ramadan, nibi tawon musulumi kaakiri agbaye ti n gb’aawe won pelu irele okan, nise lo ye ki oniwaasi gidi maa tan iyinrere ife, alaafia ati ododo lona ati fun awon omo orile-ede Naijiria nireti, nipase ohun ti won ti foju wina labe ijoba apapo ti egbe oselu APC n sakooso re, eyi to mu kawon igun kan maa pe ipe fun ki won pin orile-ede yii.

“Nitori naa, awon eeyan rere ipinle Oyo, to ti n reti ki won gbo waasi to le ji okan won lenu okunrin oniwaasi yii ri ijakule to lagbara ninu re, nitori to je funra won ni won yan ijoba ti Sheikh Bello n gbiyanu lori asan lati bu enu-ate lu yii sipo, nitori tijoba APC ti su won. Eyi to je ki won pawopo le e nipo. Ta a ba si wa wo ipa tawon isele to n bani lokan je gbogbo to n se lorile-ede yii lonii ni lori awon omo Naijiria bii, tawon daran-daran atawon agbe ati tawon agbebon. Eyi fi han gba-n-gba pe Sheikh Muhydeen Bello ti kuna lati p’akiyesi ijoba apapo labe akoso Aare Muhammadu Buhari lati ji giri si ojuse re, eyi to fi fe maa fenu tembelu Gomina Seyi Makinde to n se daadaa fawon eeyan re.

“Looto, isejoba maa n te siwaju ni, bee si la o ni fe maa soro nipa eni to ti ku. Sibe, o ye ka le salaye awon nnkan kan fawon eeyan wa, lati le ko won lekoo, ki oye si ye won bi awon orile-ede agbaye mi-in se n dagba soke.

“Ijoba PDP to wa lode bayii, labe akoso Gomina Seyi Makinde nigbagbo ninu isejoba to duro deede, eyi lo si je ko maa sawon atunse to ye lori awon ise idagbasoke, tijoba to kogba sile kuna lati se bo se ye. Eyi ti ko ba fi pa won ti, ko si lo maa bere omi-in lati le gba oriyin ti ko nilaari nidii oselu, irufe eyi ti APC ko ba se.

“Ko le wa lakosile, gomina wa ti peregede, o si fi gbooro je’ka pelu bi gbogbo eeyan se nifee re kaakiri tibu-tooro ipinle Oyo. Eyi si farahan pelu bo se n rin yan fanda laarin awon odo to n fehonu han lasiko ipe fun fifagile iko olopaa SARS.

“Ni ti asesile, awon ise asesile to nilaari ati ipa rere wo lo n toka si tisejoba Ajimobi se nipinle yii pelu obitibiti gbese, lai si ise idagbasoke kan to see fi han?

“Bee si ni laarin igboro ilu Ibadan, to je olu ilu ipinle Oyo. Opo awon ibaje ati ise asepati nipase ai lafojusun isejoba ti oniwaasi n yin lo kunle, taa le foju ri.

“Idagbasoke wo lo wa n so nipa re, nigba tisejoba Ajimobi pa ona Moniya si Iseyin ti. To si je kawon agbe maa daamu, tawon ire-oko won si n baje?

Ju gbogbo re lo, isejoba APC labe Ajimobi gbe ise agbase to fori sanpon niye owo to to bilionu meji jade pelu owo oogun oju awon omo bibi ipinle Oyo.

“Ki nidagbasoke rere ohun to wa ninu ijoba to pa ile itaja Agbowo ti lati baje. O si n mura lati so o di tara re ni, ki Olorun to gbe GSM wole sipo?

“Ki ni ka ti so nipa oju-ona Akobo Oju-Irin ati afikun afara ti yoo mu ko rorun fawon eeyan to n rin ona naa. Pelu bawon eeyan to wa lagbegbe ohun se n foju wina to. Nje oniwaasi wa rin ona Iseyin wo, ko to maa so ohun to so. Ona Onipepeye/Alaska si papako ofurufu ti Ajimobi pati fun odun mejo n ko? Ise ti n lo nibe bayii, nipase Onimo-ero Seyi Makinde. Se oniwaasi le l’oun o ri atunse to ti bawon ikorita ni Challenge, ibudoko Iwo Road, Challenge ati Ojoo. Se oju re fo si ise akanse “E je kina wa”, igbese kin-in-ni ati ikeji. Atunse awon ile iwosan alaboode mokandinloodunrun ati ona to yato ti won fi n seto inawo owo ipinle ati owo to n wole labele?

“Ni bayii ti oniwaasi wa ti sadeede le soro lati sise owo to gba lowo awon to sagbateru waasi inu osu alaponle yii, a fe gba oniwaasi “owo ree, oja ree” naa nimoran lati p’ohun po pelu awon eeyan to n beere fun isejoba rere lodo ijoba apapo ti APC n dari, ko to di pawon to n pepe fun ki Naijiria pin yoo rona lo mo won lowo. Nitori ti Seyi Makinde ti n seto ijoba rere lo.

“Gege bi oniwaasi, to n lo “awa ati awon” lati maa sapejuwe APC ati PDP. Eyi ti fi han gbogbo aye, egbe oselu ti Sheikh Ajani Bello wa. Sugbon, isejoba PDP to wa lode nipinle Oyo bayii ko nii je ki enikeni mu un kuro nidii afojusun re. Ona yoowu ti enikeni si le fe gba lati mu ijakule ba, yala oselu ni tabi esin ni, ni ko ni wo ibe.

“Egbe oselu PDP nipinle Oyo wa n ki gbogbo awon omo-iya wa ninu esin Islam ku ajoyo osu oloore Ramadan, a si n ro gbogbo won lati ma wo tawon onibaje, sugbon ki won tele eko Ramadan nipa ki won je omo orile-ede rere to n pa ofin mo ati ololufe alabagbe won. Ki won si niberu Olorun pelu ba o se jo maa fowo sowopo pelu Gomina Seyi Makinde lati gbe ipinle Oyo gun oke agba.

 

Eyi ni bi Segun Awolowo, looya se ku lasiko to n bow a gbejo baba re ro ni kootu

 

Eyi ni bi Segun Awolowo, looya se ku lasiko to n bow a gbejo baba re ro ni kootu

E tun kaabo lose yii, sabala itan manigbagbe. Lose to koja, a gbiyanju wa oro awuyewuye bi isakooso orile-ede Naijiria se bo sowo Hausa/Fulani gunle. A so bi Zik se tan Awolowo atawon iko re je pelu bo se pe ipade awuruju siluu Asaba, sugbon ti ko yoju rara. A soro lori idi ti Zik fi l’oun o le sise po pelu eya Yoruba ati ohun to faa.

 

A menuba bi awon omo Yoruba seto ikowojo kan lodun 1947. A so bi owo ohun se le ni egberun metala aabo owo pon-un ati bi won se kowo naa fun egbe oselu NCNC pe ki Zik lewaju awon eekan egbe mefa mi-in lo siluu London lati lo fehonu han lori awon ofin onikumo ti Gomina Arthur Richard gbe kale.

 

A o sai so bi irin-ajo ohun ko se so eso rere kankan, nitori iwa odale ati igbeyin bebo je to waye ati bi won se n bu ara won, ti won si n na’ka aleebu si Zik. A so bi Zik ninu awijare re se fesun kan awon omo Yoruba to wa ninu iko ti won ran lo siluu London ohun pawon nisoro oun

 

A so bi Zik ati H O Davies se n so oko oro sira won ninu iwe iroyin, eyi to feree fa ija eleyameya laarin awon  Yoruba ati Igbo to n gbe niluu Eko nigba naa ati bi Gomina Arthur Richard ati akowe re, Hugh Foot se sare pe ipade laarin awon mejeeji sile ijoba lati ki won nilo pelu bi Zik ti se pinnu pe “won ko gbodo gba Yoruba laaye lati dari Naijiria” to si je pe Fulani lo lo ba sasepo.

 

Lose yii, a o so nipa bi omo Oloye Obafemi Awolowo se ku ninu ijamba moto loju ona Eko si Sagamu lasiko to n bow a gbejo baba re ro ni kootu. Osu yii lo pe odun merinlelaadota tiroyin buruku ti ko wu enikeni lati gbo ohun sele. Nise ni ofo nla se gbogbo ekun Iwo Oorun, koda orile-ede Naijiria, nigba ti iroyin iku Segun Awolowo gba igboro. Bawon abiyamo se n ba Mama HID sunkun, lawon baba naa n ba Awolowo daro nitori oorun to wo losan-an gangan naa.

 

Ti Segun Awolowo ba wa laye lasiko yii ni, ogunjo osu kin-in-ni odun yii ni ko ba p’eni odun mejidinlogorin. O si see se ko ti di agbejoro agba, SAN tabi adajo ile-ejo to ga julo lorile-ede yii. Koda, o le ti di aare orile-ede yii tabi ko ti se gomina ipinle Ogun. O si le ti je asofin agba, iyen seneto.

 

Yoruba ni ile laa wo, ka to so’mo loruko. Eyi si maa n farahan daadaa ninu oruko ti won maa n so omo won l’opo igba. E je ka ya kuro lori oro taa n ba bo na. Awon oko atiyawo kan lati ipinle Bendel atijo lo gbe ni abule kan, Alaro niwon odun 1970. Ile okunrin kan ti won n pe ni Baba Idowu si ni won de si. Gege bi ise Yoruba, won mu awon took-taya yii bi okan lara won. Ede Yoruba won ko fi bee dan moran, sugbon nigba to ya, eyi oko ti bere sii maa powe ninu oro to ba n so.

 

Leyin bi odun kan, iyawo okunrin yii bimo okunrin lanti-lanti. Lati fi emi imoore bi won se gba won towo-tese han, okunrin yii so omo re ni l’oruko omo baba onile re, Idowu. Idowu ke! Idowu bawo! Awon eeyan bere sii beere lowo re, idi to fi so omo re ni Idowu. Tidunnu-tidunnu lo si fi so fun won p’oun fe fi emi imoore bi baba onile oun se n toju oun han ni.

 

Nigba naa ni won wa salaye fun un pe, oruko Yoruba nitumo. Won je ko ye e pe, omo ti won ba bi leyin awon ibeji ni won maa n so ni Idowu ati pe lai si Taye ati Kehinde, ko le si Idowu. Won ni, idi ti won fi n pe baba onile won ni Baba idowu ni po ti bi ibeji ri, sugbon tawon omo naa ko si mo. Won si wa gba a nimoran lati so omo re ni Olumide to je oruko mi-in ti Idowu n je.

 

Ogunjo osu kin-in-ni odun 1939 ni won bi Olusegun Awolowo. Gbogbo awon eeyan to b mo tabi gbo itan yoo mo p’odun to le die ni odun to saaju 1930 yii fun Awolowo. Gege bi onisowo to mo nnkan to n se, sibe Awolowo nisoro eto oro-aje to denu kole niwon odun 1930. Iya Agba so fun mi pe, gbogbo nnkan lo won debi ti iyo gan o si l’oja lati ra.

 

Gbogbo owo ti Awolowo fi n sowo lo run. Won ta ile re ni gbanjo, moto ayokele re, olowo iyebiye , Chevrolet naa baa rin. Iyen nikan ko, gbogbo aso re atawon dukia mi-in pelu lo sii. Bee, igbeyawo re ko tii pe odun meji. Asiko hila hilo yii ni won bi Segun. Oluwasegun. Eyi to fi igbagbo Awolowo ninu Olorun han. Omo ileri ni.

 

Awolowo ri ibi Olusegun gege bi ipa rere ninu aye re, paapaa ni osu meji si ojo-ibi tie gan. O mu biro re, o si ko oro yii sile:

“Leyin ojo, oorun yoo ran;

Leyin okunkun, imole yoo de;

Ko si ibanuje, ti ko ni idunnu ninu;

Ko si idunnu, ti ko ni ekun tie;

Bo ti wu ki oorun mu to, sanmo dudu die yoo wa;

B’ekun pe dale kan, ayo n bo l’owuro!

 

Omo ti gbogbo obi le fi yangan ni gbogbo igba ni Segun. O jogun opolopo baba re. Gbogbo awon akekoo egbe re atawon tisa ile-eko Agbeni Methodist, Ibadan nibi to lo laarin odun 1943 si 1951 lo maa n so bo se je olopolo pipe to. Lati kekere re lo si ti maa n daabo bo won aburo leyin re.

 

Lodun 1952, Segun wole sile-eko Igbobi niluu Eko. O si se daadaa pupo ninu idanwo asejade oniwee mewaa re. Leyin to pari iwe mewaa, Segun nisoro kekere kan lori ise wo ni yoo yan laayo. Iya re fe ko r’omo ti yoo se okoowo, sugbon baba re n fe omo ti yoo kekoo imo ofin. Awolowo je eda kan ti kii yan fun omo, o nigbagbo ninu ki omo pinnu ohun to wu u lati se. Segun mi eko imo ofin.

 

Lodun 1957, l’omo odun mejidinlogun, Segun kori siluu London ni yunifasiti Cambridge gege bi akekoo. O se daadaa ninu eko re, o si kekoo gboye ninu imo ofin.

 

Logunjo osu kin-in-ni odun 1960, Segun p’omo odun mokanlelogun. Gege bi asa nigba naa l’orile-ede United Kingdom, odun mokanlelogun ni won fi n so p’eeyan ti balaga. Segun si sayeye re ni ojule 15A Kensington Palace Gardens. Awon akekoo egbe re ni Cambridge atawon ore re si wa nibe lati ye e si. Koda, aburo re, Tola Awolowo (to pada di Oyediran); Degbola Ademola ati aburo re obinrin, Nike Adegbola pelu Kayode Oyediran wa lara awon odo to wa nibi ayeye ojo-ibi ohun.

 

Leyin to ti pari eko re, to si se daadaa ninu eko imo ofin, o di agbejoro nile Geesi lodun 1962. Akoko idunnu lojo ohun fawon obi re, paapaa fun baba re t’oun pelu di agbejoro ni nnkan odun merindinlogun seyin, nigba ti Segun gan si wa l’omo odun meje pere. Bo se yege di agbejoro bayii, ore re, Yomi Akintola, to je omo Oloye Samuel Ladoke Akintola lo koko wa lo siluu Dublin to n gbe nigba naa. Lati Dublin ohun si ni Segun ti kori si papako ofurufu lati maa bo lorile-ede Naijiria ninu osu kejo odun 1962. Ninu oro mi-in to so, Dokita Kunle Olasope ni osu kin-in-ni odun 1963 ni Segun pada si Naijiria.

 

Nibi la o tun ti danu duro labala itan manigbagbe lose yii. Ipade wa tun di lose to n bo, nigba ta o tun maa tesiwaju. Inu apileko Bola Adewara to pe ni “Video of our Lifetime” la ti se ayolo itan yii. Titi di lose to n bo ohun. Awa la o maa wa, eyin la o si maa ba. Ire o!

Akiyesi.

O ti jade ninu iwe iroyin KAKAKI ose yii.

Egbe Rotary seto idanilekoo fawon akoroyin

 

Egbe Rotary seto idanilekoo fawon akoroyin

Egbe amuludun Rotary ti seto idanilekoo olojo meta kan lori ilera ibimo, iyalomo atawon omode fawon akoroyin atawon to n seto lori redio ti won sa yan kaakiri orile-ede yii. Idanilekoo ohun takoroyin ile-ise wa naa kopa ninu re lo waye laarin ojo monde, ojo keedogun si weside oni, ojo ketadinlogun lori ikanni ayelujara Zoom

Idanilekoo t’egbe Rotary gbe kale pelu atileyin ile-ise ijoba ile Germany to ri soro idagbasoke okoowo alajeseku ni won fe lo lati fimo kun imo awon eeyan lori awon ilana ifeto somo bibi.

Paapaa lati je ki gbogbo awon obirin to si n sabiamo lowo le mo pawon ilana ifeto somo bibi wa lofee larowoto won. Ki won mo anfaani to wa nibi lilo re, ibi ti won ti le ri i ati bi won yoo se lo won.

Nigba to n soro nibi idanilekoo ohun, alamojutoo gbogbogboo, Ojogbon Emmanuel Adedolapo Lafadeju nidii tawon fi gbe idanilekoo ohun kale fawon akoroyin atawon to n seto lori redion ni pe, ki won le lo agbara to wa lowo lati fonrere oro ohun fawon onkawe atawon to n gbo eto won.

O ni “eyi yoo ran Naijiria lowo lati daabo bo awon eeyan re, to n fojoojumo pos ii. Lilo ilana ifeto somo bibi deedee ati daadaa maa n dena iku aboyun ati omo lasiko ibimo.

EFUNSETAN sojoobi aadorin odun n’Ibadan

EFUNSETAN sojoobi aadorin odun n’Ibadan

-          Sugbon, awon gbajumo onitiata kan o si nibe

Yanju Adegboyega

Gbongan Mauve 21 to wa laduugbo Ring Road, Ibadan ko gbero lojo sannde, ojo kokandinlogbon osu kokanla lasiko ti Ajihinrere Abileko Iyabo Ogunsola, eni ti gbogbo awon ololufe ere tiata ati sinima tun mo si Efunsetan n sayeye ojoobi odun aadorin odun re.

Gege ba a se gbo, inu osu keta odun yii lo ti ye ki ayeye ohun waye. Sugbon, won ni lati sun un siwaju dojo sannde ose yii nitori ase ijoba lori ona ati dena itankale aisan Corona Virus tabi COVID-19 to n da gbogbo agbaye laamu.

Sugbon, akiyesi akoroyin wa to wa nibi eto ohun ni pe, looto lawon osere ori-itage atawon onitiata to loruko wa nibe. Sugbon, awon gbajumo osere kan tawon eeyan fe ri ko si nibe rara. Bee, ko seni to le so ni pato, idi ti gbogbo won ko fi si nibe.

Looto lawon eeyan bii aare egbe osere TAMPAN tele, Ogbeni Dele Odule, Oloye Lere Paimo atawon osere mi-in wa nibe. Sugbon, awon gbajumo osere bii aare egbe naa lasiko yii, Ogbeni Bolaji Amusan. Awon ti ko tun si nibi ayeye ohun ni Oga Bello, Aluwe, Iya Awero, Peju Ogunmola, Funke Akindele atawon mi-in to je irawo osere. Bee si la o reni so idi ti gbogbo won ko fi si nibe.

Ojo keedogun osu keta odun 1950 ni won bi Felicia Iyabode Ogunsola, oun si ni abikeyin Alagba Fajembola laduugbo Yemetu niluu Ibadan. Ile-iwe alakoobere St. Paul ni Yemetu lo ti bere iwe kika, leyin naa lo lo sile-eko girama Anglican Girls, Orita Mefa. Lat’igba to ti wa nile-iwe alakoobere lo ti maa n sere ori-itage, bee si ni ko fi sile nile-eko girama naa.

Lodun 1966, enikan mu un mo okunrin kan to n je Ogbeni Boladale, eni ti gbogbo eeyan tun mo si “Eda kekere tabi Baba kekere” ninu egbe osere Duro Ladipo. Lasiko ohun, okunrin yii ni maneja egbe osere ti Isola Ogunsola, eni ti gbogbo eeyan tun mo si I sho pepper. Egbe osere Ogunsola yii nilo awon osere-binrin.

Nitori ife to ni sise ere ori-itage sise, Iyabo gba lati tele egbe osere Ogunsola lo oko ere lawon ipinle oke oya tabi ile Hausa. I sho rii pe, omobinrin yii mo’se ju k’eeyan padanu re lo. Eyi lo je ko denu ife ko o, nigba ti won yoo si fi pada de lati irin-ajo ere ti won se lo sile Hausa. Oyun lo gbe wa sile. Bayii lo di iyawo Ogunsola, ti tohun si se gbogbo ohun to ye ko se lori re lati fe e nisu-loka. Lati odun 1966 yii lo si ti bere ise ere onise gege bi akosemose.

Lodun 1976, aluyo de fun un lasiko to kopa Iyalode Efunsetan ninu ere onise ti won se eda re ninu iwe Efunsetan Aniwura ti Ojogbon Akinwumi Isola ko. Lasiko ta a n so yii, awon ile-eko girama n ka iwe ohun. Ki awon akekoo si le loye re daadaa lo je ki won pinnu lati se e ni ere ori itage, Nigba ti Olorun yoo si se e, egbe osere Isola Ogunsola lo yege ninu awon egbe osere to gbiyanju lati se e.

Bayii ni oruko Iyabo Ogunsola di gbajumo nipase ere onise to so itan Iyalode ile Ibadan nigba kan ri naa. Okiki re si kan kaakiri gbogbo orile-ede yii ati oke okun. Gbogbo ibi ti won ba si ti lo sere yii lawon ipinle kaakiri orile-ede yii lawon ero ti maa n wo bi omi. Yato si pe won se ere Efunsetan ni ori itage, iwe iroyin atigbadegba kan, Atoka tun gbe e jade fawon eeyan lati ka.

Opo ere onise ati fiimu agbelewo ni Iya Efun, gege bawon eeyan se maa n pe e ti kopa. Bee loun pelu ti se awon eyi to je tie paapaa awon ere onise to je ti iyinrere bii Omo oloja irole ati Adehun agan.

Lodun 1992, o pinnu lati sise fun Olorun, nitori lati iwon odun 1970 lo ti n ri ipe, sugbon ti ko feti sii. Pelu adehun laarin oun ati oko re, o lo foruko sile nile-eko ekose ise iranse Christian Light Bible College, Ogbere, Ibadan nibi to ti kekoo ise iranse. O si ku die ko pari eko re ni oko re, Isola Ogunsola ku lojo kejidinlogbon osu kejila odun 1992.

Leyin to pari eko re, o bere ise iranse taara. Lati le lo ilana ise to n se fi sise Olorun, o lo sile-eko ekose ere onise ti ile-ise iranse Mount Zion niluu Ile-Ife lodun 1995. Leyin naa lo ti kekoo gboye imo ijinle dokita ni The Lord Bible School, Eko lodun 1999.

Mama Efun kii se osere ori itage nikan, onkorin ati akewi ni pelu. Opolopo rekoodu ofrin adura lo si ti se. Lara re ni Adura mi gba, 1 2 3, By fire by mercy, Next level, Akiikitan, Adura ibewo, My testimony lo ti so nipa igbesi aye re ati bo se di iranse Olorun. In Jesus name, Redeemer and winner, Sword of fire ati Aanu leekan si i.

 

Ope o! Ija WASIU AYINDE ati molebi BARRISTER ti pari

Ope o! Ija WASIU AYINDE ati molebi BARRISTER ti pari

Yanju Adegboyega

Ede aiyede ati aawo to wa laarin okunrin olori olorin Fuji nni, King Wasiu Ayinde Marshal ati molebi eni tigbagbo wa p’oun lo da orin Fuji sile, to tun je baba ti K1 yan nidii orin, Alaaji Sikiru Ayinde Barrister lo ti pari bayii.

Gege bi atejade ti Wasiu Ayinde fi sori ikanni ayelujara re, Olasunkanmi Marshal, ojo monde ose yii ni gbogbo aawo ohun wa sopin nipase ipade petu sija kan ti okunrin asiwaju olorin Juju nni, to tun je oludamoran pataki si Barrister nigba aye re, Oloye Ebenezer Obey Fabiyi pe.

Ipade ohun lo si waye nile Obey to wa laduugbo Ikeja nitosi opopona Obafemi Awolowo.

Gege bi atejise ohun se ka “bi gbogbo ogo se n je ti Olorun, mo layo lati kede ajosepo otun laarin Oloogbe Omowe Sikiru Ayinde Barrister ati emi (Olasunkanmi Ayinde Marshal) Mayegun ile Yoruba gege bi Olori Ebi. Ni ile baba wa agba, Ajihinrere Ebenezer Obey Fabiyi to wa n’Ikeja nitosi opopona Obafemi Awolowo. Nisoju Alaaji Adisa Osiefa, ore timotimo oloogbe. Lara awon to tun wa nibe aare ati akowe egbe onifuji, FUMAN lorile-ede yii.

Gbogbo awon omo ati iyawo lo peju pese sibe ati nipase imo-ero ayelujara zoom.

Ajosepo otun idunnu yii lo je ibere ayeye iranti odun kewaa ti Sikiru Ayinde Barrister doloogbe, eyi ti yoo waye lojo kerindinlogun osu kejila odun yii.”

Leyin ipade ohun ni gbogbo awon to wa nibe ya foto ajumoya lati fidii oro naa mule.

Pelu atejise yii, igbagbo gbogbo eeyan ni pe ajosepo otun ti pada saarin molebi Barrister ati Wasiu Ayinde. Ta o ba gbagbe, ni kete ti Barrister ku tan ni wahala be sile laarin molebi re ati Wasiu Ayinde lori awon oro kan ti won lo so nipa Barrister. Oro ohun si le to bee, ti Barry Made fi n korin bu Wasiu Ayinde, to sit un so okan-o-jokan kobakungbe oro si i ninu awon fonran ati iforowero to se pelu awon ile-ise redio.