Kayeefi! Baba pa omo re lasiko to n ba iyawo re ja

Kayeefi!

Baba pa omo re lasiko to n ba iyawo re ja

Ade Oniroyin

Owo ileese olopaa ipinle Eko ti te okunrin kan,  Ayobami Isiaka lori esun po pa omo re, omo odun kan laduugbo Ijaye nitosi Iseri niluu Eko.

Gege bi alukoro ileese olopaa ipinle Eko, Bala Elkana se so ninu atejade kan to fi sita lojo sannde ana, Ayobami pa omo re ohun t’oruko re n je Nana lasiko tie de aiyede kan waye laarin oun atiyawo re. akoroyin wa gbo pe, nise ni okunrin yii sadeede gba omo lowo iyawo re, to si la ori re mole.

O soo di mimo pe, nise loei Nana fo yanga yanga loju ese nibe pelu afikun pe omooya Ayobami lo mu esun ohun lo si ago olopaa. Ninu oro re, Elkana ni “lojo sannde, ojo kerindinlogbon osu yii ni deedee aago meje ku iseju mewaa, okunrin kan,  Alaaji Garuba Isiaka mu esun lo si ago olopaa pe lojo naa, lasiko toun wa ni Berger, ni aburo oun kan, Alaaji Mohammad Isiaka foonu pe, Ayobami Isiaka ti fi tipatipa gba omo re obinrin omo odun kan, Nana lowo iya re, to si lee mole”

“Ori omo naa fo tutu, to si ku loju ese nibe. Ti ko ba si si tawon olopaa to tete de ibi isele ohun, nise lawon eeyan to wa nitosi ki ba luu pa. Laipe ni yoo si foju ba ile-ejo.”

SEYI MAKINDE foruko awon komisanna ranse sile asofin -bee lo tun yan igbimo ti yoo gb’oro awon T’AJIMOBI da duro lenu ise wo

Yanju Adegboyega

SEYI MAKINDE foruko awon komisanna ranse sile asofin

-bee lo tun yan igbimo ti yoo gb’oro awon T’AJIMOBI da duro lenu ise wo

Lati le je ki ise ilu to gbe lowo rorun fun un, Gomina ipinle Oyo, Onimo-ero Seyi Makinde ti fi oruko awon eeyan merinla ranse sile igbimo asofin ipinle naa lati sayewo finni-finni fun won. Lara awon to foruko won ranse la ti ri Amofin Adeniyi Farinto; Ogbeni Adeniyi Olabode Adebisi; Onarebu Muyiwa Jacob Ojekunle; Ojogbon Oyewo Oyelowo; Amofin Seun Asamu; Amofin Lasunkanmi Ojeleye; Ogbeni Rahmon Abiodun Abdulraheem ati Oloye Bayo Lawal.

Awon to ku ni Onarebu Funmilayo Orisadeyi to je obinrin kan soso laarin won, Dokita Bashir Abiodun Bello; Onarebu Wasiu Olatunbosun; Ojogbon Daud Sangodoyin; Ogbeni Akinola Ojo ati Onarebu Kehinde Ayoola to ti figba kan je abenugan kile igbimo asofin ipinle Oyo lasiko isejoba Alaaji Lam Adesina.

Ewe, Gomina Seyi Makinde ti sagbekale igbimo eleni mejila kan ti yoo sagbeyewo ilana ti gomina tele, Sineto Abiola Ajimobi gba lati dawon eeyan kan duro lenu ise ijoba laarin odun 2011 si 2019. Gege baa se gbo, opo awon eeyan lo ti n ko’we ehonu ranse sijoba lat’igba ti Makinde ti depo ase pe, nise nijoba Ajimobi kan mo on mo fi iwa etaanu da won duro lenu ise ni.

Ni bayii, ijoba ti wa ke sawon eeyan ti oro ohun kan lati ko iwe ranse si yara ketadinlogbon nileese to n ri soro awon osise ijoba to wa ni sekiteriati ko to di ojo monde ojo karun-un osu kejo.

Egbe omo bibi ile Ibadan gba MAKINDE nimoran lori siso egbin d’oro

Egbe omo bibi ile Ibadan gba MAKINDE nimoran lori siso egbin d’oro

Yanju Adegboyega

Bi ijoba ipinle Oyo labe akoso Onimo-ero Seyi Makinde se se agbekale ile-ejo alagbeeka lori imototo ayika, egbe omo bibi ile Ibadan, Central Council of Ibadan Indigenes, CCII ti gba ijoba nimoran lati sise lori siso egbin di oro, eyi to je okan lara ileri to se lasiko ipolongo ibo to koja.

Aare egbe CCII, Oloye Yemi Soladoye lo pe ipe ohun nibi ipade kan to waye lori ona ti ko ba ofin mu tawon eeyan fi n pa egbin mo nipinle Oyo. O woye pe, tijoba ba seto siso egbin d’oro. Nise lo ye ki won maa sanwo fawon to n da egbin nu, eyi ti won fi tun n gb’owo lowo won. Soladoye wa ro ijoba ipinle Oyo lati tete bere ise lori ibudo ti won ti n so egbin d’owo to wa laduugbo Orita Aperin niluu Ibadan, nitori ti won ti paa ti fun igba pipe.

Olori osise oba nipinle Oyo, Alaaja Ololade Hamdalat Agboola to se kokaari ipade ohun war o gbogbo awon to wa nibe lati tan ihinrere pi pa egbin mo lona ti ko fin ii fa wahala siluu.

The INTERNET LORD is based in Ibadan Oyo State Nigeria

The INTERNET LORD is based in Ibadan Oyo State Nigeria. He is no one but Smith Chukwuemeka Eze

O ma se o! Ose keji leyin iku BABA SALA, AJIMAJASAN naa tun ku

O ma se o!

Ose keji leyin iku BABA SALA, AJIMAJASAN naa ku

Yanju Adegboyega

Adanu nla mi-in tun sele sawon egbe osere tiata lorileede yii pelu bi okan pataki ninu awon agba osere ori-itage, pelu bi gbajumo osere alawada mi-in, Alagba Ola Omonitan, eni ti gbogbo awon ololufe ere tiata tun mo si “Ajimajasan tabi Baba no regret” naa tun se ku. Gege baa se gbo, ojo tosidee ose to koja yii ni okunrin gbajumo alawada ohun jade laye leni odun mejilelogorin.

Akoroyin wa gbo pe, okunrin naa ti n saisan fun igba die bayii, eyi to mu ki won gbee lo sileewosan ekose isegun Orita Mefa, UCH ni bi ose meloo seyin. Enikan to ba wa soro nileewosan UCH soo di mimo pe, lasiko ayewo tawon dokita se fun Ajimajasan ni won sakiyesi pe okan re tobi ju bo se ye lo, bee ni opa-eyin n dun un pelu arun jejere prostate cancer, eyi to mu ki won ti sise-abe fun un ri. Ohun to si seni laanu ni pe, won lo le sise-abe fun un mo rara nitori ojo-ori re ati pe ara re ko le gbaa duro.

Akoroyin wa gbo pe, dokita to n toju re lo si gbawon molebi re niyanju lati maa gbee lo sile pelu ileri lati wa maa toju re nile. Koda, ojo monde ose to lo ohun ni won se gbee kuro nileewosan, ko to di po ku lojo tosidee.

Gbogbo awon eeyan to ba ti gbonju niwon odun 1970 si 1980 yoo ranti Ola Omonitan daadaa pelu ere alawada re lori telifisan WNBC/WNTV. Koda, kaakiri ile Yoruba atawon ipinle bii Kwara ati Kogi ni won ti mo on bi eni m’owo niwon odun 1956 si 1959 pelu awon osere bii Duro Ladipo, Kola Ogunmola, Ayinla Olumegbon, Akin Ogungbe atawon mi-in bii Baba Sala.

Gege bo se wi ninu iforowero kan to se ri, pe iya agba oun lo maa fun oun lawon ere toun n se loju oorun. Ojo-ori re kere pupo nigba ti baba re ku, eyi to je ki wahala itoju re bo sowo iya re. Iya re ko ko iha to daa si ero re lati je osere, nigba ti apa re ko ka ati ran nileewe, o gbaa nimoran lati lo ko’se owo. Eyi to mu ko lo maa ko ise awon to n se aga igbalode, furniture laduugbo Oke-Ado.

Sugbon, bo se n ko ise lati se ife iya re lo tun n dogbon lo sidii ise tiata lai je ki iya re mo rara.

Odun 1968 lo ko egbe osere ti ara re jo, mewaa pere si ni gbogbo won. Gbogbo awon to n baa sise lo si fun loruko inagije lokookan bii Arikuyeri, Oloye Ajere, Jacob, Papalolo, Aderupoko, Iya Ijebu, Adamson, Baba Eleko ati bee bee lo. Leyin opolopo odun ti won ti jo n sisde papo, Jacob, Papalolo ati Aderupoko pinnu lati lo da duro. O si se gbogbo atileyin to le se fun won lati da duro laaye ara won.

Ere olosoose re to pe ni “Omo Araye le ati Bata wahala” ti won se lori telifissan o soo di ilu-mo-on ka, ti oruko re si waa di ohun ti gbogbo eeyan mo.

Ko si eni to wa laye, ti ko lasiko idanwo tie. Lodun kan, Ajimajasan n bo lati ilu Eko, nigba ti moto mesidiisi V-Boot re lasidenti. Ijamba moto ohun po to bee, ti direfa re ku loju-ese nibe. Odun merin loun pelu si lo nileewosan.

 Leyin ijamba moto ohun lo si fun ara re ni inagije “Baba no regre”. Gege bo se wi “mo so ara mi loruko yii lati fi maa da ara mi lokan le pe, gbogbo nnkan n bo pada sipo, nigba tawon eeyan n fi mi seleya latari isele aburu to se si mi ni. Mo fi n so fun gbogbo eeyan pe, mi o kabamo igbe aye mi. Nitori, gbogbo ohun-ini mi lo tan sinu isele aburu naa. Ope ni fun Olorun. Ti emi ba si wa, ireti n be.

Ju gbogbo re lo, Ajimajasan ti ku. Ko si ju bi ose meji leyin ti Alagba Moses Olaiya Adejumo, eni ti gbogbo awon eeyan mo si Baba Sala ku, ti oun pelu ku yii.

Ajo EFInA ati banki apapo fe ki ida ogorin eeyan maa fowo pamo titi odun 2020

Ajo EFInA ati banki apapo fe ki ida ogorin eeyan maa fowo pamo titi odun 2020

Yanju Adegboyega

Lona ati mu ki iye awon eeyan to n fowo pamo sile ifowopamo lorileede yii to idaogorin titi odun 2020, lo mu ki ajo kan to n ri si baa se n dawon eeyan lekoo lati maa kowo pamo ati ki won lore-ofe sile ifowopamo, EFInA, banki apapo ile wa atawon eeyan to ni nnkan se nipa fifi owo pamo se pe ipade idanilekoo kan pelu awon akoroyin lati wo bawon ileese iroyin se le sise po lati dawon araalu lekoo.

Eto ohun to waye nileetura kan laduugbo Victoria Island niluu Eko lawon ogunna gbongbo tii da’to lenu igbin nidii oro aje ti kora jo papo. Gbogbo awon akosemose nidii oro aje to wa nibe lo si gba pe, ai nigbagbo awon eeyan ninu awon ile ifowopamo wa lara ohun to n mu ki won fa seyin  lati kowo won pamo si banki.

Nigba to n soro, Temitope Otumara to je akosemose  olubanisoro fun ajo EFInA ni mi mu awon eeyan lati maa fowo pamo kii se lati je ki won kan maa kowo won pamo si banki lasan, bi ko se pe igbese ohun ni yoo so bi oro aje awujo kan yoo se r’ese mule.  O soo di mimo pe, gbogbo wa la gbodo sise papo lati rii pe erongba ohun jo.

Oga agba to wa fun baa se n gbe eto eyawo sile nileese EFInA , Suzanne Adeoye salaye pe, ko si ajo naa to le da sise yii. “Eyi lo si mu ki EFInA pinnu lati sise papo pelu awon ileese iroyin lati le ma dawon araalu lekoo lori anfaani to wa ninu ka maa fowo pamo sawon ile ifowopamo”.

Lara awon to tun gbe idanilekoo kale nibe ni Nimi Akinkugbe, Editi Efiong , oga agba kan lati banki agba ile wa, Aisha Isa- Olatinwo atawon mi-in gbogbo. Bee si lawon asoju awon ile ifowopamo atawon akoroyin latawon ileese akoroyin bii Channels TV, Wazobia, Businessday, EbonyLifeTv, CNBC, Naira-Metrics, Alariya Oodua atawon mi-in bee bee lo.

Aworan:

 Abileko Nimi Akinkugbe, oludari eto Money Matters with Nimi. 

 Ogbeni  Editi Effiong, alase ANAKLE

Foto alayapo: Aisha Isa Olatunwo, Nimi akinkugbe, Temi Otumara, Folasade Agbejule. 

Awon oludari eto: Nimi Akinkugbe, Aisha Isa- Olatinwo , Lehle Balde, Adia Sowho; Ogbeni SEGUN Akerele; Alaga ajo EFInA, Arese Ugwu; oludasile SmartMoneyAfrica, Ugo Dre Okechukwu; oludasile NairaMetric ati Folasade Agbejule

Eedi re o! Eso alaabo ILAKA, oludije sile igbimo asofin yinbon paayan meta l'Oyoo

Eedi re o!

Eso alaabo ILAKA, oludije sile igbimo asofin yinbon paayan meta l’Oyoo

Yanju Adegboyega

Afi bi efun tabi eedi nisele ohun ri lojo sannde, ojo kesan-an osu yii niluu Oyo nigba ti okan ninu awon eso alaabo aladaani to n tele okunrin oludije sile igbimo asofin agba nipinle Oyo, Oloye Oyebisi Ilaka yinbon pa eeyan meta, tawon mi-in si wa nileewosan bayii. Gege baa se gbo, Ilaka lo lo sibi ayeye odun Oranmiyan, eyi ti Alaaafin Oyo, Oba Lamidi Adeyemi keta maa n se lodoodun. Gege baa se gbo, ayeye odun Oranyan ohun lo lo nirowo rose pelu awon alejo kaakiri orileede yii ati leyin odi.

Sugbon, lasiko tie to ohun pari, ti okunrin oloselu yii fe maa lo. Awon omo isota lo dena dee lati gbowo lowo re, nibi ti won si ti n se hanran hanran niwaju re lati rii po fun swon lowo, la gbo pe okan ninu awon eso alaabo aladaani, bouncer to telee sadeede yinbon sawon eeyan ohun. A gbo pe, loju ese nibe lawon olopaa ti debi isele ohun, ti won si ti mu okunrin eso alaabo to yinbon naa leyin ti won ti gba ibon to wa lowo re.

Akoroyin wa gbo pe, loju ese nibe lawon meji ti ku. Sugbon, ti eniketa pada ku leyin ti won gbee dele iwosan. Enikan tisele aburu ohun soju re soo di mimo pe, opo awon to farapa yanna-yanna nibe lo ti wa nileewosan ekose isegun, UCH, Ibadan nibi ti won ti n gba itoju lowo.

Nigba to n soro lori isele aburu naa, alukoro ileese olopaa ipinle Oyo, Ogbeni Adekunle Ajisebutu fidii isele ohun mule pelu afikun p’owo tit e eni to yinbon naa ati okunrin oloselu to fun un nibon. O toka pe, ileese olopaa ipinle Oyo ko nii faaye gba kawon eeyan kan maa lero pe won ga ju ofin orileede yi lo.

Ajisebutu mu un wa siranti pe, oga gba olopaa lorileede yii ti pase pe, ki gbogbo awon eeyan to nibon nikawo won lo koo sile nileese olopaa to ba sun mo won. O si wa soo di mimo pe, ileese olopaa yoo fi enikeni towo ba te pelu ohun-ija oloro jofin. Akoroyin wa gbo pe, lasiko taa n ko iroyin yi jo, ogba ewon Agodi ni Ilaka ati eso alaabo ohun wa.