EFUNSETAN sojoobi aadorin odun n’Ibadan

EFUNSETAN sojoobi aadorin odun n’Ibadan

-          Sugbon, awon gbajumo onitiata kan o si nibe

Yanju Adegboyega

Gbongan Mauve 21 to wa laduugbo Ring Road, Ibadan ko gbero lojo sannde, ojo kokandinlogbon osu kokanla lasiko ti Ajihinrere Abileko Iyabo Ogunsola, eni ti gbogbo awon ololufe ere tiata ati sinima tun mo si Efunsetan n sayeye ojoobi odun aadorin odun re.

Gege ba a se gbo, inu osu keta odun yii lo ti ye ki ayeye ohun waye. Sugbon, won ni lati sun un siwaju dojo sannde ose yii nitori ase ijoba lori ona ati dena itankale aisan Corona Virus tabi COVID-19 to n da gbogbo agbaye laamu.

Sugbon, akiyesi akoroyin wa to wa nibi eto ohun ni pe, looto lawon osere ori-itage atawon onitiata to loruko wa nibe. Sugbon, awon gbajumo osere kan tawon eeyan fe ri ko si nibe rara. Bee, ko seni to le so ni pato, idi ti gbogbo won ko fi si nibe.

Looto lawon eeyan bii aare egbe osere TAMPAN tele, Ogbeni Dele Odule, Oloye Lere Paimo atawon osere mi-in wa nibe. Sugbon, awon gbajumo osere bii aare egbe naa lasiko yii, Ogbeni Bolaji Amusan. Awon ti ko tun si nibi ayeye ohun ni Oga Bello, Aluwe, Iya Awero, Peju Ogunmola, Funke Akindele atawon mi-in to je irawo osere. Bee si la o reni so idi ti gbogbo won ko fi si nibe.

Ojo keedogun osu keta odun 1950 ni won bi Felicia Iyabode Ogunsola, oun si ni abikeyin Alagba Fajembola laduugbo Yemetu niluu Ibadan. Ile-iwe alakoobere St. Paul ni Yemetu lo ti bere iwe kika, leyin naa lo lo sile-eko girama Anglican Girls, Orita Mefa. Lat’igba to ti wa nile-iwe alakoobere lo ti maa n sere ori-itage, bee si ni ko fi sile nile-eko girama naa.

Lodun 1966, enikan mu un mo okunrin kan to n je Ogbeni Boladale, eni ti gbogbo eeyan tun mo si “Eda kekere tabi Baba kekere” ninu egbe osere Duro Ladipo. Lasiko ohun, okunrin yii ni maneja egbe osere ti Isola Ogunsola, eni ti gbogbo eeyan tun mo si I sho pepper. Egbe osere Ogunsola yii nilo awon osere-binrin.

Nitori ife to ni sise ere ori-itage sise, Iyabo gba lati tele egbe osere Ogunsola lo oko ere lawon ipinle oke oya tabi ile Hausa. I sho rii pe, omobinrin yii mo’se ju k’eeyan padanu re lo. Eyi lo je ko denu ife ko o, nigba ti won yoo si fi pada de lati irin-ajo ere ti won se lo sile Hausa. Oyun lo gbe wa sile. Bayii lo di iyawo Ogunsola, ti tohun si se gbogbo ohun to ye ko se lori re lati fe e nisu-loka. Lati odun 1966 yii lo si ti bere ise ere onise gege bi akosemose.

Lodun 1976, aluyo de fun un lasiko to kopa Iyalode Efunsetan ninu ere onise ti won se eda re ninu iwe Efunsetan Aniwura ti Ojogbon Akinwumi Isola ko. Lasiko ta a n so yii, awon ile-eko girama n ka iwe ohun. Ki awon akekoo si le loye re daadaa lo je ki won pinnu lati se e ni ere ori itage, Nigba ti Olorun yoo si se e, egbe osere Isola Ogunsola lo yege ninu awon egbe osere to gbiyanju lati se e.

Bayii ni oruko Iyabo Ogunsola di gbajumo nipase ere onise to so itan Iyalode ile Ibadan nigba kan ri naa. Okiki re si kan kaakiri gbogbo orile-ede yii ati oke okun. Gbogbo ibi ti won ba si ti lo sere yii lawon ipinle kaakiri orile-ede yii lawon ero ti maa n wo bi omi. Yato si pe won se ere Efunsetan ni ori itage, iwe iroyin atigbadegba kan, Atoka tun gbe e jade fawon eeyan lati ka.

Opo ere onise ati fiimu agbelewo ni Iya Efun, gege bawon eeyan se maa n pe e ti kopa. Bee loun pelu ti se awon eyi to je tie paapaa awon ere onise to je ti iyinrere bii Omo oloja irole ati Adehun agan.

Lodun 1992, o pinnu lati sise fun Olorun, nitori lati iwon odun 1970 lo ti n ri ipe, sugbon ti ko feti sii. Pelu adehun laarin oun ati oko re, o lo foruko sile nile-eko ekose ise iranse Christian Light Bible College, Ogbere, Ibadan nibi to ti kekoo ise iranse. O si ku die ko pari eko re ni oko re, Isola Ogunsola ku lojo kejidinlogbon osu kejila odun 1992.

Leyin to pari eko re, o bere ise iranse taara. Lati le lo ilana ise to n se fi sise Olorun, o lo sile-eko ekose ere onise ti ile-ise iranse Mount Zion niluu Ile-Ife lodun 1995. Leyin naa lo ti kekoo gboye imo ijinle dokita ni The Lord Bible School, Eko lodun 1999.

Mama Efun kii se osere ori itage nikan, onkorin ati akewi ni pelu. Opolopo rekoodu ofrin adura lo si ti se. Lara re ni Adura mi gba, 1 2 3, By fire by mercy, Next level, Akiikitan, Adura ibewo, My testimony lo ti so nipa igbesi aye re ati bo se di iranse Olorun. In Jesus name, Redeemer and winner, Sword of fire ati Aanu leekan si i.

 

Ope o! Ija WASIU AYINDE ati molebi BARRISTER ti pari

Ope o! Ija WASIU AYINDE ati molebi BARRISTER ti pari

Yanju Adegboyega

Ede aiyede ati aawo to wa laarin okunrin olori olorin Fuji nni, King Wasiu Ayinde Marshal ati molebi eni tigbagbo wa p’oun lo da orin Fuji sile, to tun je baba ti K1 yan nidii orin, Alaaji Sikiru Ayinde Barrister lo ti pari bayii.

Gege bi atejade ti Wasiu Ayinde fi sori ikanni ayelujara re, Olasunkanmi Marshal, ojo monde ose yii ni gbogbo aawo ohun wa sopin nipase ipade petu sija kan ti okunrin asiwaju olorin Juju nni, to tun je oludamoran pataki si Barrister nigba aye re, Oloye Ebenezer Obey Fabiyi pe.

Ipade ohun lo si waye nile Obey to wa laduugbo Ikeja nitosi opopona Obafemi Awolowo.

Gege bi atejise ohun se ka “bi gbogbo ogo se n je ti Olorun, mo layo lati kede ajosepo otun laarin Oloogbe Omowe Sikiru Ayinde Barrister ati emi (Olasunkanmi Ayinde Marshal) Mayegun ile Yoruba gege bi Olori Ebi. Ni ile baba wa agba, Ajihinrere Ebenezer Obey Fabiyi to wa n’Ikeja nitosi opopona Obafemi Awolowo. Nisoju Alaaji Adisa Osiefa, ore timotimo oloogbe. Lara awon to tun wa nibe aare ati akowe egbe onifuji, FUMAN lorile-ede yii.

Gbogbo awon omo ati iyawo lo peju pese sibe ati nipase imo-ero ayelujara zoom.

Ajosepo otun idunnu yii lo je ibere ayeye iranti odun kewaa ti Sikiru Ayinde Barrister doloogbe, eyi ti yoo waye lojo kerindinlogun osu kejila odun yii.”

Leyin ipade ohun ni gbogbo awon to wa nibe ya foto ajumoya lati fidii oro naa mule.

Pelu atejise yii, igbagbo gbogbo eeyan ni pe ajosepo otun ti pada saarin molebi Barrister ati Wasiu Ayinde. Ta o ba gbagbe, ni kete ti Barrister ku tan ni wahala be sile laarin molebi re ati Wasiu Ayinde lori awon oro kan ti won lo so nipa Barrister. Oro ohun si le to bee, ti Barry Made fi n korin bu Wasiu Ayinde, to sit un so okan-o-jokan kobakungbe oro si i ninu awon fonran ati iforowero to se pelu awon ile-ise redio.

 

 

O tan! Owo tun te elomi-in, to n foro AMOTEKUN lu jibiti niluu Oyoo

 

O tan! Owo tun te elomi-in, to n foro AMOTEKUN lu jibiti niluu Oyoo

Yanju Adegboyega

(O ti jade ninu iwe iroyin ALARIYA OODUA ose yii)

Lai tii ju ose meji lo ti won mu okunrin kan, Isiaka Kareem niluu Ibadan po n gbiyanju lati lu awon eeyan to fe gba ise ninu iko alaabo ile Yoruba nni, Amotekun, owo ijoba ipinle Oyo tun ti te elomi-in lose to koja yii niluu Oyo.

Okunrin ohun, Adeyemi Agboola, eni to nile-ise ikanni ayelujara, Cybercafe loju ona to lo si papa isere Durbar niluu naa ni won lo n ta foomu igbani sise Amotekun to je ayederu fawon eeyan to mo pe won o kawe ni eedegbeta naira, N500 eyo kan pelu ileri poun yoo ran won lowo lati ri ise ohun gba.

Gege ba a se gbo, lojo Wesde ose to koja lowo te Agboola, eni to salaye pe nise loun n lo anfaani lati lu awon eeyan ni jibiti. Ko to di pe okan ninu awon to ti ko sii lowo so lasiko ayewo p’oun o mo iyato ninu ayederu ati ojulowo foomu. Eni naa, to ni ka ma daruko oun lo mu foomu ayederu ti Agboola ta fun un lo sibudo ayewo igbani sise n’Ibadan, nibi ti asiri ti pada tu.

Nigba to n soro lori isele ohun, oga agba fun iko Amotekun, Ajagunfeyinti Olayanju Olayinka ni odaran naa yoo foju wina ofin fun iwa to hu ohun, nitori ti won ti fa a le awon ti yoo sise lori re lowo. O wa ro awon ara-ilu lati maa fi oju s’ori bi alakan fawon eeyan to le fe lo anfaani awon isele to n se layika won lati lu won ni jibiti bi iru eyi ti Agboola n se nitori to rii pawon eeyan kan ko ni eko iwe to to tabi rara.

O ni “o je ohun to bani lokan je pawon eeyan kan tun le lo anfaani lati lu elomi-in jibiti nipase igbani sise, nitori to mo pe won o mo on ko, mo on ka. A o sise iwadii gidi lati mo iye awon eeyan to ti ko si pampe okunrin naa.

“A ti fa a lawon ile-ise alaabo to ye lati foju re wina ofin. Yoo si je eko fawon mi-in to le fe gb’ese le ona ti ko to, to n to naa. Ijoba ipinle yii ti n fi gbogbo igba sise lati yo awon eeyan wa kuro ninu ise ati osi to n ba won finra. Sugbon, a o nii gba kawon kan to lero pawon gbon yan awon eeyan wa je.”

Olayinka wa gbawon eeyan to n gbero lati sise ninu iko Amotekun lati ma wa ona alumokoroyi kankan pelu afikun pe ki won sora fawon onile-ise ikanni ayelujara ti won n lo ba fun iforuko sile.

Ilu Ogbomoso lawon iko to n sayewo fawon eeyan to fe sise ninu iko Amotekun wa lojo Tosde, ojo kerinlelogun ni papa isere ilu Ogbomoso nibi ti won ti sayewo fawon eeyan to wa lati ariwa ati guusu Ogbomoso lojo Jimoh ojo karundinlogbon osu yii. Awon eeyan to wa lati Suuru lere lo si sayewo ti won lojo Satide, ojo merindinlogbon osu yii ni papa isere ilu Ogbomoso kan naa.

 

N’Ibadan, EFCC foju oludasile ile-eko ba ile-ejo lori jibiti iwe ase irinna ile okeere

 

 

N’Ibadan, EFCC foju oludasile ile-eko ba ile-ejo lori jibiti iwe ase irinna ile okeere

Yanju Adegboyega

(O ti jade ninu iwe iroyin ALARIYA OODUA ose yii)

Ajo to n gbogun ti iwa ibaje nidii owo ati oro-aje lorile-ede yii, EFCC, eka tiluu Ibadan ti gbe obinrin kan, Motunrayo Olasebikan ati okunrin kan, Abideen Adefisayo Tijani lo siwaju ile-ejo giga ilu Ibadan kan lori esun pe won lowo ninu sise ayederu iwe ase irinna ile okeere.

Olasebikan, eni to ni oludasile ile-eko loun ni won woo un ati Tijani lo siwaju Onidajo Ladiran Akintola lori esun meje otooto. Lara esun ohun si nigbimopo huwa odaran ati iwe yiyi.

 

Okan ninu awon esun ohun lo bayii “Iwo Olasebikan Motunrayo ati Tijani Abideen Adefisayo ni bi osu kesan-an odun 2018 niluu Ibadan labe idari ile-ejo yii se iwe kan takole re je “Ase irinna” ti nomba re je J511464256 loruko enikan to n je Pamilerin Adedayo pelu alaye pe ile-ise asoju orile-ede Canada lo ko o lojo kefa osu keje odun 2016 titi di ojo kefa osu kefa odun 2021. Eyi te e se pelu ero pe won yoo sise lori re pe ojulowo ni, te e si mo pe iro le pa. Nipa bee, e ti se si ofin.

Gege ba a se gbo, iwe ehonu kan ti enikan to n je Inumudunsola Popoola ko si ajo EFCC loruko awon egbe re ti won jo lu ni jibiti lo je ki ajo naa wo awon odaran mejeeji lo siwaju ile-ejo. Ninu iwe ehonu ohun, Popoola fesun kana won mejeeji yii pe ninu osu keji odun 2018, awon odaran mejeeji naa tan ohun atawon meta mi-in lati gba owo to to milionu die lowo won pelu ileri lati bawon seto iwe irinna.

O salaye pawon mejeeji naa fi ara won han gege bi awon to maa n bawon eeyan se iwe irinna tijoba fun niwee ase. O ni looto ni won fawon lawon iwe irinna, sugbon tawon pada mo pe ayederu ni won ko fun won, lasiko tawon n gbero lati fir in irin-ajo si ile okeere.

Awon odaran mejeeji so fun ile-ejo pawon o jebi awon esun ti won fi kan won. Eyi lo si mu ki agbejoro olupejo, Omowe Ben Ubi ro ile-ejo lati fun lojo tigbejo naa yoo bere. O war o ile-ejo lati je ki won lo fawon mejeeji pamo sahamo titi dojo tigbejo yoo waye.

Awon agbejoro olujejo, A B C Ademiluyi ati S O Alli ro ile-ejo lati ma jee ki ojo igbejo naa pe pupo, ki won le gba iduro awon onibaara won. Onidajo Akintola wa sun igbejo mi-in siwaju di ojo keje osu kewaa lati gba iduro won. Sugbon, o pase kin won lo ko won pamo sahamo ajo EFCC na.

N’Ibadan, Ile-ejo fawon eeyan merin sewon lori iwa jibiti

 

N’Ibadan, Ile-ejo fawon eeyan merin sewon lori iwa jibiti

Yanju Adegboyega

(O ti jade ninu iwe iroyin ALARIYA OODUA ose yii)

Ile-ejo giga ijoba ipinle Oyo kan to n jokoo niluu Ibadan ti fawon eeyan merin kan sewon lori esun pe won n fogbon jibiti gbowo lowo awon eeyan. Awon eeyan ohun ni Kushimoh Azeez Adeleke, Afolabi Olubukola, Kolawole Idowu ati Olakunle Ishola. Ajo to n gbogun ti sise jibiti owo ilu lorile-ede yii, EFCC eka tiluu Ibadan lo gbe awon eeyan ohun lo siwaju ile-ejo lori esun kan soso.

Esun ohun ka bayii “iwo Kushimoh Azeez Adeleke, Afolabi Olubukola, Kolawole Idowu, Olakunle Ishola ati Isaiah Oluwabunmi, eni to ti salo lasiko yii, ni nnkan bi osu kin-in-ni odun 2019 niluu Ibadan lagbegbe ile-ejo yii huwa jibiti nigba te e gba owo to to egberun lona eedegbeta naira ati mejilelaadota owo naira, N552, 000 lowo enikan to n je Folake Modupe Temowo nigba te e paro fun un pe e fe fowo ohun toju aburo oko re kan, Seyi Tomowo to nijamba moto to po gan ni. Bee le si mo pe iro le pa fun un. Iwa yin ohun lo si tako ofin orile-ede yii.

Awon mereerin gba pawon jebi esun ohun. Leyin naa ni agbejoro olupejo, Festus Ojo ro ile-ejo lati fi won sewon bo se ye lori ese ti won se ohun. Onidajo Ladiran Akintola ninu idajo re pase ki enikookan won lo sewon odun meji meji.