Olorun lo pe mi, mi o nii l’okan lati j’oba – Oba Segun Joseph Adetuwo

 

Olorun lo pe mi, mi o nii l’okan lati j’oba – Oba Segun Joseph Adetuwo

Ta a ba n soro awon ilu nile Yoruba, okan pataki niluu Igodan Lisa lain awon ilu ile Ikale nipinle Ondo. Opo awon nnkan niluu yii fi yato sawon ilu to ku kaakiri ile Yoruba ati kaakiri agbaye. Laipe yii ni akoroyin wa, YANJU ADEGBOYEGA se iforowero pelu Oba ilu Igodan Lisa, Oba Segun Joseph Adetuwo lori foonu. Okan-o-jokan oro ni won si jo so, e maa ba wa kalo.

Alariya Oodua – Kabiyesi, e so fun wa ni soki nipa ilu Igodan Lisa?

Kabiyesi – Okan lara awon ile Yoruba ti won n pe ni Ikale mesan-an niluu Igodan Lisa. Baba mi, Iku Ijamofo lo te ilu yii lopo odun seyin. Iyawo marundinlogota ni baba mi yii fe.

Opolopo omo ni baba mi yii bi, won si po to bee, ti won fi te odidi ilu. Awon kan lara awon omo yii lo sile ibomi-in, awon to je obinrin lo sile oko, nigba tawon to ku duro sile. Nitori naa, ta a ba wo gbogbo awon omo yii to je okunrin, a ni to idile merinlelogbon to letoo si gbogbo nnkan ta a ba n se ninu ilu yii. Ohun to si mu ki ilu Igodan Lisa yato si gbogbo awon ilu to ku nile Yoruba ni pa o le fe ara wa l’oko tabi iyawo titi dasiko yii. Gbogbo awon omo Iku Ijamofo ko le fera won, yato sawon to telee wa lati wa jokoo ti i nigba to wa te ilu Igodan Lisa. Bi awon eya Urhobo.

Idile temi ti jade ni akobi Iku Ijamofo, Lemikan l’oruko re n je. Looto, o ku saaju baba re. Sugbon, o lowo pupo nigba aye re. Itan so pe, nigba ti baba re, Iku Ijamofo rii pe eeyan nla ni Lemikan, omo re yii, loju aye re lo ti fun un ni gbogbo nnkan to to si i ninu ogun re, ko to ku.

Lemikan naa gbiyanju, iyawo mokanlelogbon lo ni. O si bi opolopo omo.

Alariya Oodua – E seun, Kabiyesi. Bawo abi ilana won ni won fi n j’oba niluu Igodan Lisa?

Kabiyesi – Emi ni oba eleekeji ti won maa je niluu Igodan Lisa. Eni to je oba akoko ni Oba Paul Abiodun Akinsola.

Odun metadinlogun ni won lo nipo. Leyin ti won si ku, ti won se oku won tan ninu osu kin-in-ni odun 2021. Won kede pe, ipo yen sofo.

Ohun kan to jo emi loju ni pe, saaji asiko yen, lati nnkan bi odun merin ni won ti maa n so fun mi pe oba ni mi. Odun 2016 ni mo pada de lati ile America at’igba yen ni Olorun ti fi han awon kan pe won ri ade lori mi. Ti mo ba lo si soosi kan lati lo josin, ti elemi ba wa nibe, yoo pe mi jade..

Lojo kan ninu osu kin-in-ni odun to koja, mo wa laduugbo Amuloko niluu Ibadan. Baba mi ninu Oluwa kan lo n se akanse adura olojo jimoh meje. Boya jimoh kerin tabi ikarun-un ni mo tie lo, mi o le ranti mo. O bo sasiko ti won n se isinku oba wa yen lowo. Bi won se n seto yen lo, alufaa pase ki gbogbo awon to wa lowo eyin jade bo siwaju. Ti mo ba lo sawon eto bayen, owo eyin ni mo maa n jokoo si, ki n le raaye sadura daadaa. Bi mo se n jade bo siwaju, wolii yen ni “Mo ri ade ide lori arakunrin yii, irukere ati ileke pelu.”

O ni, se idile oba ni mo ti wa ni? Sugbon, nitori ti mi o kii fe gbo ise yen. Ki n to dahun, mo go won ninu mi pe rara. Loju ese ni wolii yen so pe, “arakunrin yii si n go mi ninu emi.” O ni ki n ri oun leyin eto.

Nigba ti mo yoju si i leyin eto, o so orisirisi oro. O salaye pe, ade ti oun ri lori mi lati orun ni. O beere pe, se enikeni ko so fun mi ri, mo si ni won ti maa n so fun mi. O ni, o di dandan ki de ade yen loju aye. Ki ayanmo ati akosile yen le wa simuse

O beere ohun ti won n se lowo niluu wa ba a se n soro yii. Mo ni won n se isinku Kabiyesi to gbe’se. O ni oun pelu ti ri i. O wa gba mi nimoran lati pada siluu leyin ose kan ti won ba pari isinku yen, ki n si lo so fun eni to n dari ilu lasiko yii pe Olorun lo ran mi wa lati wa tun ilu Igodan Lisa se.

Nitori naa, leyin ose kan, mo lo ri Baba Lisa to n sakooso ilu. Mo si so fun un. O l’oun ti gbo, ka maa lo, ka pada wa lojo keji. Boya o fe lo beere si i ni o, emi o mo. Nigba to d’ojo keji, a pada lo ba a. O si ni oun ti gbo, sugbon ile kan ti baba mi n ko lowo, ti ko pari lati odun yii, ki n lo pari re na. O ni ise po fun mi lati se, bee si lawon atunse kan wa ti maa se. Ko si pe, ti won fi kede pe ipo yen ti sofo.

Bayii ni mo fi erongba mi han. Awon mefa mi-in naa so po wu awon, a si je meje.

Sugbon, nigba ta a nipenija oro aabo niluu. Won ni ki gbogbo wa mu egberun lona igba naira wa lati ran ilu lowo. Enikan ko san owo yen, o l’oun o lowo. Bayii la ku mefa. Meji lara wa lo je omo oba to gbe’se. Won ni baba won ti so, ko to ku pe t’oun ba ku tan, awon ni ko gba ipo yen. Pelu pe won mo pe idile merinlelogbon ni wa.

Yato sawon meji yii, awon meta to je agbaoye niluu naa lawon letoo sipo yen. Mesan-an lawon agbaoye to wa niluu, awon si ni afobaje. Opo awon awuyewuye lo tie waye lori oro yen. Sugbon, mo je ko ye won pe Olorun lo pe mi lati wa j’oba.

Nnkan mi-in ti won tun so ni pe, mo si ni obi laye. Nitori ti, baba ati mama si wa. Awon kan ni eni tawon obi re ba si wa laye ko le j’oba. Ninu molebi temi, awa meji la jade lati dupo yii. Nibe lawon molebi kan tun ti n so pe, enikan gbodo ju’wo sile fun enikan ni ati pe omode lo gbodoju’wo sile fun agbalagba. Nitori naa, emi ni ki n fipo yen sile fun enikeji, nitori to ju mi lo.

Mo si kuku ti so fun won tele pe, mi o setan lati dupo pelu enikeni, sugbon Olorun lo ran mi lati wa j’oba niluu yii. Nitori naa, tawon ilu ba fe mi, ti won nigbagbo ninu oro Olorun. Deedee ni.

E ma gbagbe pe, idile temi ni akobi ninu omo Iku Ijamofo. Nitori naa, a gbodo rii daju p’awa la j’oba yii. Ka si wa maa yii po laarin ara wa. Bi bee ko, ta a ba ti lo so anfaani yii nu, a le ma rii mo ni ogorun-un odun to n bo.

Bayii ni ilu gbe igbimo oluyewo kale. Awon igbimo yen ninu ipade won kan tie ni otosi kii j’oba, won l’eni to ba fe j’oba gbodo le gbe eru ilu. Nitori naa, won ni ki gbogbo wa lo san milionu meji enikookan ati p’owo yen ko see gba pada. Awa kan faramo on, awon kan o faramo on. Ohun to tun wa le nibe ni pa a ti gbodo sanwo yen ko to d’ojo ti won maa se ayewo fun wa..

Wolii kan si ti jise fun mi ri pe, isegun kan to wa fun mi ni pe, gbogbo nnkan tiluu ba ni ka se. Ki n rii daju p’emi l’eni akoko ti yoo maa se e. Lojo iforowero yen, wakati kan ataabo ni mo lo niwaju won. Opolopo ibeere ni won beere lowo mi. Ohun kan ti mo se ni pe, mo farabale dahun awon ibeere won. Mi o si dide kuro niwaju won titi mo fi pari.

Leyin ayewo ati iforowero yen, mo pada siluu Eko. Sugbon mo rii daju pe mo n wa larowoto nigba yoowu ti won ba nilo mi. Nigba ti esi jade, awa meji la yege julo. Ti kii ba sii se pe Olorun n fe mi nipo yii ni, a o le so ohun ti ko ba sele. Laarin awa mefeefa, emi ni mo feree nigbagbo ninu Olorun julo, ti mo si ni majemu pelu re. Koda, enikeji mi beere lati gba owo re pada lowo awon igbimo yen. O nipo oba ko ye ko je tita. Nigba ti won beere boya emi naa fe gb’owo mi pada, mo ni mo ti fun ilu. Ki won lo lo o fun idagbasoke ilu.

Nigba ti mo so pe, mo ti fun ilu l’owo, awon eeyan patewo fun mi. Leyin naa ni won mu ojo fun idibo. Sugbon, ko to d’ojo yen, opo awon igbese aburu ni won n gbe. Eni to wa lati molebi mi yen gan tie lo fi ara re j’oba, ko to di p’awon ilu le e danu. Nitori, emi ni gbogbo ilu n fe nipo.

Alariya Oodua – Kabiyesi! Ki l’awon nnkan tee ti le se lara awon ileri te e se?

Kabiyesi – Ohun kan ti mo koko se, bi mo se depo ni lati maa lo ki gbogbo awon ijo Olorun to wa niluu lojo sannde kookan, ki n si mo ki nipenija ti won ni. Leyin eyi, awon osise ile iwosan alaboode to wa niluu wa ki mi. Won ni ko si geeti lenu ona won, mo si seleri lati se e fun won. Maa gbe e fun won lose to n bo lagbara Olorun, nitori ti won ti n sise lori re lo. Yato seyii, awon osise ile-eko girama wa nibi wa ki mi lanaa. Won salaye pe, awon orule won n jo. Nitori naa, mo beere awon igbimo ile-eko won, nitori ti mi o fe maa se nnkan kan lai je k’awon eeyan mi maa mo sii. Mo ni ki won fun mi ni bi maa se r’awon igbimo yen ba soro lati mo nnkan ta a ba le se fun won. Nitori naa, a ni ero fun awon naa.

Ohun mi-in ti mo tun n se ni pe, mo sagbekale igbimo eleto-aabo. Nitori ta a nipenija eto aabo pupo. Nitori naa, mo gba awon osise eleto-aabo mejo lowo ara mi. Laarin emi ati olori odo ilu, mo so fun un pe maa sanwo awon osise eleto-aabo yen l’apo mi fun osu meta akoko. Lori eleyii, ko siranlowo kankan lati ibi kan kan lasiko yii. Laarin emi ati Olorun nikan ni, a fi ta a ba r’eni to fife han si nnkan to wa nile yii. Mo si le gbe e fun osu meta na.

Leyin eyi, a n sise lori okan-o-jokan awon igbimo fun ise idagbasoke ilu.

Alariya Oodua – Gege bi kristeni, ki lajosepo to wa laarin eyin atawon elesin to ku, paapaa awon musulumi ati elesin ibile?

Kabiyesi – E seun. Gege bi oba niluu, looto awon eeyan maa n so pe oba o kii l’esin. Iro ni! Oba l’esin, sugbon gbogbo esin ni ti oba. E je ki n bere bayii. Mo n b’awon elesin ibile soro lojo wo pe, mi o wa lati pa esin won run. Sugbon, ki won fun mi laaye lati jise ti Olorun ran mi. Ki won je ki alaafia j’oba niluu.

Won mo pe, mi o kii je obi, mi o kii mu oti, mi o de kii j’eran. Mo so fun lati ibere pepe pe, mi o kii se gbogbo nnkan wonyi. Ko ma wa je pe, nigba to depo tan lo to so fun wa p’oun o kii se nnkan kan. Mi o kii j’eran ewure, koda o loju iru adie ti mo maa n je.

Sugbon, mi o nii tori pe, mi o kii se nnkan wonyi. Ta a ba r’eni to se, to si je nnkan yii ni ohun itanran re. Ki won gba, ki won fun awon to maa n je e. Mi o wa sibi lati pa asa ati ise ti won ti n se run. Kii se nnkan ta a ran mi wa se niyen.

Iru odun “Ere” bayii, maa darapo mo won lati se e. Odun “Ijesu”, maa darapo mo won lati se e. Nigba ti akoko re ba to.

Ni t’awon musulumi, won wa ki mi nibi ni bi ojo meta seyin. Won si sadura. Emi naa gba won towo-tese, mo si sadura pe won yoo mo asiko ti oba je yii si rere. Mo so fun won pe, mo l’awon musulumu l’oree to po niluu Eko ti mo ti wa. Okan tie wa, to je Alaaji. T’awon eeyan ba ri okan ninu wa, ibeere ti won o koko beere to ba je emi ni won ri ni “Pasito, Alaaji n ko? To ba si je oun naa ni won koko ri, won a ni “Alaaji, Pasito n ko? Nitori idi eyi, a sun mora wa gan ni. Esin tie kii se temi, esin temi naa kii se tie. Mo so fun won pe, mo l’awon ore musulumi to po, ta a jo n se daadaa.

Mo gba won niyanju lati lo wa ile, ti won yoo fi ko mosalasi. Nitori, wiwa mi yii, nigba ti yoo ba fi to odun marun-un sasiko yii, eni to ba maa ra ile niluu yii yoo mura o. Ohun ti Oloun fi han mi niyen pe, ile kiko ti yoo sele laarin asiko yii s’odun to n bo yoo lagbara pupo.

Logan ti mo si d’ori apere yii, awon molebi bii merin to wa loke okun lo ti ni, ni bayii ti oba ti je yii, awon fe wa sile lati wa ko’le. Awon meji ninu won ti ra ile pulooti meji-meji, a si n b’awon to ku wa tiwon lowo.

Awon molebi kan wa, ti won ti kuro niluu yii lati nnkan bi ogorun-un odun. Lasiko ta a n mura igbade mi, won ni ti Olorun ba gbe mi depo, awon n pada bo siluu yii. Ko din ni eni meedogun to wa ninu molebi yii. E si mo pe, bi idagbasoke ba se n po si niluu, ni iye ti won n ta ile yoo maa goke sii.  Nitori naa, awon musulumi ti mo ni ki won lo wa ile yen, nigba to ba to akoko, maa mo nnkan ti maa se lati ran won lowo.   

Alariya Oodua – E seun, Kabiyesi. Ki le le so nipa Ambassador Ibironke Oluwayemisi Onitiju?

Kabiyesi – Okan lara awon arabinrin wa ni. Oun ni Yeye Jima ilu Igodan Lisa. Omo wa ta a le fi yangan ni. Omo wa, to rin irin-ajo, sugbon ti ko gbagbe ile ni. Omo wa, to l’aanu si gbogbo eeyan ni.

Ona ti mo gba mo on ati awon iroyin ti mo gbo nipa re fi han pe kii se po n seranwo f’awon omo ilu yii nikan. T’eeyan ba ti so ede Ikale, o ti gbagbo p’eeyan oun ni.

Adura mi fun un ni pe, aabo Olorun yoo maa wa lori re. Ki Olorun ma fi sile. Ise ti Olorun fi ran an, ki Olorun fun un ni oore-ofe lati le je e nirorun. Ki ile ati ona re o ma baje.

Mo so fun un pe, ni bayii ta a mora. O o ri awon nnkan ti Olorun yoo maa se laye re. Mo sadura fun un pe, gbogbo nnkan rere to beere fun ati eyi ti ko beere fun ni Olorun yoo se fun un. Nitori to nifee ilu re pupo.

A sun mora pupo. Gbogbo igba la maa n soro, a o si le se ose kan, ka ma soro.

Alariya Oodua – Gbogbo wa la mo pe, t’eni meji ba n ja si nnkan, enikan ni yoo ja mo lowo. Ni bayii, to je eyin lo ja mo lowo. Ki l’awon igbese te e ti n gbe lati fa oju awon te e jo dupo mora?

Kabiyesi – A o tii gbe igbese kankan to po lori eyi, sugbon, omo wa kan wa to n gbe niluu Ibadan, Dokita Oyedele, mo so fun un pe, yoo wu mi ko je alaga igbimo ti yoo petu s’aawo laarin awa ta a jo dupo. Mo so fun un pe, ko wa awon eeyan merin mi-in ti won le jo sise po ninu igbimo yen.

Nitori, nise lo ye ka jo sise papo lati mu ilosiwaju ba ilu wa. Nitori naa, lori oro ipetu s’aawo yen, a si wa lori re. Mo si mo pe, pelu asiko ati adura, a o bori gbogbo isoro yii.

Alariya Oodua – E seun, Kabiyesi. A nigbagbo pe, ta a ba tun kan sii yin, e o gba wa laaye?

Kabiyesi – Eyin le seun pupo ju. Gbogbo igba te e ba se tan, la o maa gba yin laaye.         

         Akiyesi!

O ti jade ninu iwe iroyin ALARIYA OODUA monde ojo kejila osu kejila odun 2022

Olorun lo pe mi, mi o nii l’okan lati j’oba – Oba Segun Joseph Adetuwo

Olorun lo pe mi, mi o nii l’okan lati j’oba – Oba Segun Joseph Adetuwo

Ta a ba n soro awon ilu nile Yoruba, okan pataki niluu Igodan Lisa lain awon ilu ile Ikale nipinle Ondo. Opo awon nnkan niluu yii fi yato sawon ilu to ku kaakiri ile Yoruba ati kaakiri agbaye. Laipe yii ni akoroyin wa, YANJU ADEGBOYEGA se iforowero pelu Oba ilu Igodan Lisa, Oba Segun Joseph Adetuwo lori foonu. Okan-o-jokan oro ni won si jo so, e maa ba wa kalo.

Alariya Oodua – Kabiyesi, e so fun wa ni soki nipa ilu Igodan Lisa?

Kabiyesi – Okan lara awon ile Yoruba ti won n pe ni Ikale mesan-an niluu Igodan Lisa. Baba mi, Iku Ijamofo lo te ilu yii lopo odun seyin. Iyawo marundinlogota ni baba mi yii fe, okan lara awon iyawo re si n je Iya Ewe Faro.

Opolopo omo ni baba mi yii bi, won si po to bee, ti won fi te odidi ilu. Awon kan lara awon omo yii lo sile ibomi-in, awon to je obinrin lo sile oko, nigba tawon to ku duro sile. Nitori naa, ta a ba wo gbogbo awon omo yii to je okunrin, a ni to idile merinlelogbon to letoo si gbogbo nnkan ta a ba n se ninu ilu yii. Ohun to si mu ki ilu Igodan Lisa yato si gbogbo awon ilu to ku nile Yoruba ni pa o le fe ara wa l’oko tabi iyawo titi dasiko yii. Gbogbo awon omo Iku Ijamofo ko le fera won, yato sawon to telee wa lati wa jokoo ti i nigba to wa te ilu Igodan Lisa. Bi awon eya Urhobo.

Idile temi ti jade ni akobi Iku Ijamofo, Lemikan l’oruko re n je. Looto, o ku saaju baba re. Sugbon, o lowo pupo nigba aye re. Itan so pe, nigba ti baba re, Iku Ijamofo rii pe eeyan nla ni Lemikan, omo re yii, loju aye re lo ti fun un ni gbogbo nnkan to to si i ninu ogun re, ko to ku.

Lemikan naa gbiyanju, iyawo mokanlelogbon lo ni. O si bi opolopo omo.

Alariya Oodua – E seun, Kabiyesi. Bawo abi ilana won ni won fi n j’oba niluu Igodan Lisa?

Kabiyesi – Emi ni oba eleekeji ti won maa je niluu Igodan Lisa. Eni to je oba akoko, Oba Paul Abiodun Akinsola ko j’oba nibere pepe. Oye Lisa ni won je. Sugbon, nigba ti ase ati onte ijoba de pe ki won so won di oba. Won so won di oba.

Odun metadinlogun ni won lo nipo. Sugbon, awon odun ti won ti lo seyin yen ko si ninu iwe ijoba. Idi ti won fi yan won l’oba nigba yen ni pawon afobaje lo ni ki won fi won j’oba. Leyin ti won si ku, ti won se oku won tan ninu osu kin-in-ni odun 2021. Won kede pe, ipo yen sofo.

Ohun kan to jo emi loju ni pe, saaji asiko yen, lati nnkan bi odun merin ni won ti maa n so fun mi pe oba ni mi. Odun 2016 ni mo pada de lati ile America at’igba yen ni Olorun ti fi han awon kan pe won ri ade lori mi. Ti mo ba lo si soosi kan lati lo josin, ti elemi ba wa nibe, yoo pe mi jade..

Lojo kan ninu osu kin-in-ni odun to koja, mo wa laduugbo Amuloko niluu Ibadan. Baba mi ninu Oluwa kan lo n se akanse adura olojo jimoh meje. Boya jimoh kerin tabi ikarun-un ni mo tie lo, mi o le ranti mo. O bo sasiko ti won n se isinku oba wa yen lowo. Bi won se n seto yen lo, alufaa pase ki gbogbo awon to wa lowo eyin jade bo siwaju. Ti mo ba lo sawon eto bayen, owo eyin ni mo maa n jokoo si, ki n le raaye sadura daadaa. Bi mo se n jade bo siwaju, wolii yen ni “Mo ri ade ide lori arakunrin yii, irukere ati ileke pelu.”

O ni, se idile oba ni mo ti wa ni? Sugbon, nitori ti mi o kii fe gbo ise yen. Ki n to dahun, mo so ninu mi pe rara. Loju ese ni wolii yen so pe, “arakunrin yii si n paro fun mi ninu emi.” O ni ki n ri oun leyin eto.

Nigba ti mo yoju si i leyin eto, o so orisirisi oro. O salaye pe, ade ti oun ri lori mi lati orun ni. O beere pe, se enikeni ko so fun mi ri, mo si ni won ti maa n so fun mi. O ni, o di dandan ki de ade yen loju aye. Ki ayanmo ati akosile yen le wa simuse

O beere ohun ti won n se lowo niluu wa ba a se n soro yii. Mo ni won n se isinku Kabiyesi to gbe’se. O ni oun pelu ti rii. O wa gba mi nimoran lati pada siluu leyin ose kan ti won ba pari isinku yen, ki n si lo so fun eni to n dari ilu lasiko yii pe Olorun lo ran mi wa lati wa tun ilu Igodan Lisa se.

Nitori naa, leyin ose kan, mo lo ri Baba Lisa to n sakooso ilu. Mo si so fun un. O l’oun ti gbo, ka maa lo, ka pada wa lojo keji. Boya o fe lo beere si i ni o, emi o mo. Nigba to d’ojo keji, a pada lo ba a. O si ni oun ti gbo, sugbon ile kan ti baba mi n ko lowo, ti ko pari lati odun yii, ki n lo pari re na. O ni ise po fun mi lati se, bee si lawon atunse kan wa ti maa se. Ko si pe, ti won fi kede pe ipo yen ti sofo.

Bayii ni mo fi erongba mi han. Awon mefa mi-in naa so po wu awon, a si je meje.

Sugbon, nigba ta a nipenija oro aabo niluu. Won ni ki gbogbo wa mu egberun lona igba naira wa lati ran ilu lowo. Enikan ko san owo yen, o l’oun o lowo. Bayii la ku mefa. Meji lara wa lo je omo oba to gbe’se. Won ni baba won ti so, ko to ku pe t’oun ba ku tan, awon ni ko gba ipo yen. Pelu pe won mo pe idile merinlelogbon ni wa.

Yato sawon meji yii, awon meta to je agbaoye niluu naa lawon letoo sipo yen. Mesan-an lawon agbaoye to wa niluu, awon si ni afobaje. Nitori naa, emi nikan ni mi o kii sara won tele. Opo awon awuyewuye lo tie waye lori oro yen. Awon kan ni, mi o kii se oloye tele, sugbon a je ko ye won pee mi ni mo kunju osunwon julo laarin gbogbo awa ta a dupo yen. Nitori, eni to ba maa j’oba, ko gbodo je oloye kan tele.

Nnkan mi-in ti won tun so ni pe, mo si ni obi laye. Nitori ti, baba ati mama si wa. Awon kan ni eni tawon obi re ba si wa laye ko le j’oba. Ninu molebi temi, awa meji la jade lati dupo yii. Nibe lawon molebi kan tun ti n so pe, enikan gbodo ju’wo sile fun enikan ni ati pe omode lo gbodoju’wo sile fun agbalagba. Nitori naa, emi ni ki n fipo yen sile fun enikeji, nitori to ju mi lo.

Mo si kuku ti so fun won tele pe, mi o setan lati dupo pelu enikeni, sugbon Olorun lo ran mi lati wa j’oba niluu yii. Nitori naa, tawon ilu ba fe mi, ti won nigbagbo ninu oro Olorun. Deedee ni.

E ma gbagbe pe, idile temi ni akobi ninu omo Iku Ijamofo. Nitori naa, a gbodo rii daju p’awa la j’oba yii. Ka si wa maa yii po laarin ara wa. Bi bee ko, ta a ba ti lo so anfaani yii nu, a le ma rii mo ni ogorun-un to n bo.

Bayii ni ilu gbe igbimo aluyewo kale. Awon igbimo yen ninu ipade won kan tie ni otosi kii j’oba, won l’eni to ba fe j’oba gbodo lo gbe eru ilu. Nitori naa, won ni ki gbogbo wa lo san milionu meji enikookan ati p’owo yen ko see gba pada. Awa kan faramo on, awon kan o faramo on. Ohun to tun wa le nibe ni pa a ti gbodo sanwo yen ko to d’ojo ti won maa se ayewo fun wa..

Wolii kan si ti jise fun mi ri pe, isegun kan to wa fun mi ni pe, gbogbo nnkan tiluu ba ni ka se. Ki n rii daju p’emi l’eni akoko ti yoo maa se e. Awa meta ni won pe fun iforowero ati ayewo lojo kan. Emi si ni won koko pe wole. Wakati kan ataabo ni mo si lo niwaju won. Nitori tawon obi mi si wa laye, ara mi ni oju gbogbo eeyan wa. Enikan beere ibeere mejo lowo mi. Ohun kan ti mo se ni pe, mo farabale dahun awon ibeere won. Mi o si dide kuro niwaju won titi mo fi pari. E moa won ibeere to le mu k’eeyan binu, sugbon mo kora mi nijanu.

Leyin ayewo ati iforowero yen, mo pada siluu Eko. Nitori, nibe ni mo ti n ri toro-kobo mi, sugbon mo rii daju pe mo n wa larowoto nigba yoowu ti won ba nilo mi. Nigba ti esi jade, awa meji la yege, emi si l’eni akoko. Awa mejeeji la sanwo ti won beere. Ti kii ba sii se pe Olorun n fe mi nipo yii ni, a o le so ohun ti ko ba sele. Nitori, awon eeyan yii n s’oogun pupo. Laarin awa mefa, babalawo ni meta. Koda, eni to wa lat’inu molebi mi yen lo lo so fun enikeji pe ko lo gba owo re pada lowo awon igbimo yen. O nipo oba ko ye ko je tita. Niyen naa ba lo gba looya kan lati ba a gb’owo re pada. Nigba ti won beere boya emi naa fe gb’owo mi pada, mo ni mo ti fun ilu. Ki won lo lo o fun idagbasoke ilu.

Nigba ti mo so pe, mo ti fun ilu l’owo, awon eeyan patewo fun mi. Leyin naa ni won mu ojo fun idibo. Sugbon, ko to d’ojo yen, opo awon igbese aburu ni won n gbe. Eni to wa lati molebi mi yen gan tie lo fi ara re j’oba, ko to di p’awon ilu le e danu. Nitori, emi ni gbogbo ilu n fe nipo.

Alariya Oodua – Kabiyesi! Ki l’awon nnkan tee ti le se lara awon ileri te e se?

Kabiyesi – Ohun kan ti mo koko se, bi mo se depo ni lati maa lo ki gbogbo awon ijo Olorun to wa niluu lojo sannde kookan, ki n si mo ki nipenija ti won ni. Leyin eyi, awon osise ile iwosan alaboode to wa niluu wa ki mi. Won ni ko si geeti lenu ona won, mo si seleri lati se e fun won. Maa gbe e fun won lose to n bo lagbara Olorun, nitori ti won ti n sise lori re lo. Yato seyii, awon osise ile-eko girama wa nibi wa ki mi lanaa. Won salaye pe, awon orule won n jo. Nitori naa, mo beere awon igbimo ile-eko won, nitori ti mi o fe maa se nnkan kan lai je k’awon eeyan mi maa mo sii. Mo ni ki won fun mi ni bi maa se r’awon igbimo yen ba soro lati mo nnkan ta a ba le se fun won. Nitori naa, a ni ero fun awon naa.

Ohun mi-in ti mo tun n se ni pe, mo sagbekale igbimo eleto-aabo. Nitori ta a nipenija eto aabo. Awon ole maa n way o awon akekoo to n gbe niluu lenu pupo. Lat’igba ti mo ti depo awon baba nla mi yi, mo sakiyesi pawon akekoo ko fe maa gbe niluu, nitori tawon kan n wa kolu won. Won n ji won l’eru ko lo, won si n fipa b’awon obinrin won lasepo. Nitori naa, mo gba awon osise eleto-aabo mejo lowo ara mi. Laarin emi ati olori odo ilu, mo so fun un pe maa sanwo awon osise eleto-aabo yen l’apo mi fun osu meta akoko. Nitori naa, owo osu enikookan won je egberun lona ogun naira. Lori eleyii, ko siranlowo kankan lati ibi kan kan lasiko yii. Laarin emi ati Olorun nikan ni, a fi ta aba r’eni to fife han si nnkan to wa nile yii. Mo si le gbe e fun osu meta na.

Leyin eyi, a n sise lori okan-o-jokan awon igbimo fun ise idagbasoke ilu.

Alariya Oodua – Gege bi kristeni, ki lajosepo to wa laarin eyin atawon elesin to ku, paapaa awon musulumi ati elesin ibile?

Kabiyesi – E seun. Gege bi oba niluu, looto awon eeyan maa n so pe oba o kii l’esin. Iro ni! Oba l’esin, sugbon gbogbo esin ni ti oba. E je ki n bere bayii. Mo n b’awon elesin ibile soro lojo wo pe, mi o wa lati pa esin won run. Sugbon, ki won fun mi laaye lati jise ti Olorun ran mi.

Mo ni ti kii ba tii se ilana mi, mi o nii di won lowo. Sugbon, ki awon naa ma di mi lowo ise ti Olorun fi ran mi. Ki won je ki alaafia j’oba niluu.

Won mo pe, mi o kii je obi, mi o kii mu oti, mi o de kii j’eran. Mo so fun lati ibere pepe pe, mi o kii se gbogbo nnkan wonyi. Ko ma wa je pe, nigba to depo tan lo to so fun wa p’oun o kii se nnkan kan. Mi o kii j’eran ewure, koda o loju iru adie ti mo maa n je.

Sugbon, mi o nii tori pe, mi o kii se nnkan wonyi. Ta a ba r’eni to se, to si je nnkan yii ni ohun itanran re. Ki won gba, ki won fun awon to maa n je e. Mi o wa sibi lati pa asa ati ise ti won ti n se run. Kii se nnkan ta a ran mi wa se niyen.

Iru odun “Ere” bayii, maa darapo mo won lati se e. Odun “Ijesu”, maa darapo mo won lati se e. Nigba ti akoko re ba to.

Ni t’awon musulumi, won wa ki mi nibi ni bi ojo meta seyin. Won si sadura. Emi naa gba won towo-tese, mo si sadura pe won yoo mo asiko ti oba je yii si rere. Mo so fun won pe, mo l’awon musulumu l’oree to po niluu Eko ti mo ti wa. Okan tie wa, to je Alaaji. T’awon eeyan ba ri okan ninu wa, ibeere ti won o koko beere to ba je emi ni won ri ni “Pasito, Alaaji n ko? To ba si je oun naa ni won koko ri, won a ni “Alaaji, Pasito n ko? Nitori idi eyi, a sun mora wa gan ni. Esin tie kii se temi, esin temi naa kii se tie. Mo so fun won pe, mo l’awon ore musulumi to po, ta a jo n se daadaa.

Mo gba won niyanju lati lo wa ile, ti won yoo fi ko mosalasi. Nitori, wiwa mi yii, nigba ti yoo ba fi to odun marun-un sasiko yii, eni to ba maa ra ile niluu yii yoo mura o. Ohun ti Oloun fi han mi niyen pe, ile kiko ti yoo sele laarin asiko yii s’odun to n bo yoo lagbara pupo.

Logan ti mo si d’ori apere yii, awon molebi bii merin to wa loke okun lo ti ni, ni bayii ti oba ti je yii, awon fe wa sile lati wa ko’le. Awon meji ninu won ti ra ile pulooti meji-meji, a si n b’awon to ku wa tiwon lowo.

Awon molebi kan wa, ti won ti kuro niluu yii lati nnkan bi ogorun-un odun. Lasiko ta a n mura igbade mi, won ni ti Olorun ba gbe mi depo, awon n pada bo siluu yii. Ko din ni eni meedogun to wa ninu molebi yii. E si mo pe, bi idagbasoke ba se n po si niluu, ni iye ti won n ta ile yoo maa goke sii. Ti ibeere fun oja kan ba se n po sii, bee ni owo re yoo maa won sii. Nitori naa, awon musulumi ti mo ni ki won lo wa ile yen, nigba to ba to akoko, maa mo nnkan ti maa se lati ran won lowo. Won tie fun mi ni ebun foto kan, ti won ko keu si.    

Alariya Oodua – E seun, Kabiyesi. Ki le le so nipa Ambassador Ibironke Oluwayemisi Onitiju?

Kabiyesi – Okan lara awon arabinrin wa ni. Oun ni Yeye Jima ilu Igodan Lisa. Omo wa ta a le fi yangan ni. Omo wa, to rin irin-ajo, sugbon ti ko gbagbe ile ni. Omo wa, to l’aanu si gbogbo eeyan ni.

Ona ti mo gba mo on ati awon iroyin ti mo gbo nipa re fi han pe kii se po n seranwo f’awon omo ilu yii nikan. T’eeyan ba ti so ede Ikale, o ti gbagbo p’eeyan oun ni.

Adura mi fun un ni pe, aabo Olorun yoo maa wa lori re. Ki Olorun ma fi sile. Ise ti Olorun fi ran an, ki Olorun fun un ni oore-ofe lati le je e nirorun. Ki ile ati ona re o ma baje.

Mo so fun un pe, ni bayii ta a mora. O o ri awon nnkan ti Olorun yoo maa se laye re. Mo sadura fun un pe, gbogbo nnkan rere to beere fun ati eyi ti ko beere fun ni Olorun yoo se fun un. Nitori to nifee ilu re pupo.

A sun mora pupo. Gbogbo igba la maa n soro, a o si le se ose kan, ka ma soro.

Alariya Oodua – Gbogbo wa la mo pe, t’eni meji ba n ja si nnkan, enikan ni yoo ja mo lowo. Ni bayii, to je eyin lo ja mo lowo. Ki l’awon igbese te e ti n gbe lati fa oju awon te e jo dupo mora?

Kabiyesi – A o tii gbe igbese kankan to po lori eyi, sugbon funra temi, mo ti pe okan lara won. A si lo to wakati meji ta a fi soro. O so fun mi pe, ero awon ni pe okan lara won ni yoo jawe olubori, Sugbon, emi ti mo kan wa lati ibi ti enikeni ko mo lo wa bori. Mo so fun un pe, o ye ko mo pe Olorun lo ran mi wa.

Mo ni, ohun to ye ko wa l’okan gbogbo wa ni ife ilu yii. Mo ni, kii se gbogbo awa mefeefa to dupo naa ni yoo depo ohun l’eekan naa. Mo ni, to ba je oun naa l’awon ilu fe, maa satileyin fun un ni.

Eyi to wa lati inu molebi mi ni tie, gbe gomina, alakooso eto idajo, ofiisi to n ri soro oye jije, alaga ijoba ibile wa ati emi pelu, awa maraarun lo sile-ejo giga niluu Okitipupa. Ejo yii si wa nibe.

Okan lara awon merin to ku naa ko iwe esun kan mo mi. Sugbon, omo wa kan wa to n gbe niluu Ibadan, Dokita Oyedele, o sun mo gomina pupo. Oun lo ni ki n ma je ki oro iwe esun yen da iporuru okan fun mi. Mo wa so fun un pe, yoo wu mi ko je alaga igbimo ti yoo petu s’aawo laarin awa ta a jo dupo. Mo so fun un pe, ko wa awon eeyan merin mi-in ti won le jo sise po ninu igbimo yen.

Nitori, nise lo ye ka jo sise papo lati mu ilosiwaju ba ilu wa. Nitori naa, lori oro ipetu s’aawo yen, a si wa lori re. Mo si mo pe, pelu asiko ati adura, a o bori gbogbo isoro yii.

Alariya Oodua – E seun, Kabiyesi. A nigbagbo pe, ta a ba tun kan sii yin, e o gba wa laaye?

Kabiyesi – Eyin le seun pupo ju. Gbogbo igba te e ba se tan, la o maa gba yin laaye.          

          

Ni Saki, WASIU ge ori orebinrin re lati soogun owo

 

Ni Saki, WASIU ge ori orebinrin re lati soogun owo

Yanju Adegboyega

Gbogbo awon eeyan to gbo sisele aburu ohun lo n semo pe, iru odaju eeyan wo ni Ismai Wasiu ati Shittu Mutairu, tawon mejeeji gbimo po pa omobinrin kan, Mujidat, ti won si ge gbogbo eya ara re lati fi soogun owo. Gege ba a se gbo, owo ile-ise olopaa lo te Ismail Wasiu, eni odun mokandinlogbon ati Shittu Mutairu, eni odun marunlelogbon niluu Saki lori iwa odaran to gba omi loju awon eeyan to gbo naa.

Nigba to n soro lori isele aburu ohun, alukoro ile-ise olopaa ipinle Oyo, Adewale Osifeso salaye pawon osise olopaa ni tesan ekun ilu Saki lo mu awon odaran mejeeji ohun leyin tiroyin kan won pe won ba ori eeyan tutu to je ti obinrin kan atawon eya ara mi-in lowo won.

Osifeso ni, nigba towo te awon eeyan mejeeji yii, ni won mo p'ajosepo wa laarin oloogbe naa ati Wasiu. Nitori, oun ni won lo pe e wa silu Saki.

Nigba to n jewo fawon olopaa, Wasiu, eni odun mokandinlogbon to ni afaa ati onisegun ibile l'oun ni afaa l'eni to toju oun dagba, sugbon nitori ajosepo oun pelu awon eeyan to je onisegun ibile, ti won si n gba oun nimoran lati darapo mo won lo je k'oun tun maa se isegun ibile naa.

O ni "Lodun 2013, mo kuro ni Saki lo siluu Eko nibi ti mo ti n sise omo-odo laduugbo Magodo. Ore mi kan lo mu mi lo sibe. Leyin odun meta, mo pada si Saki. Mo si bere ise isegun ibile.

"Gege bi mo se so. Afaa l'eni to toju mi dagba. Molebi ni wa. Nigba ti mo pada de Saki, mi o mo bi won se n tumo Kuraani. Mo kan se Wolimot ni. Mo maa n lo si mosalasi lo sadura leekookan sa. Nitori naa, mo da ise Afaa ati isegun ibile papo.

"Ise etutu ti mo se fun omo Yahoo kan ni akoko ti maa se, o si sise fun un daadaa. O l'oun fe se oogun owo, mo si lo ori eeyan gbigbe fun un. Nipase enikan ta a jo lo sile-iwe alakoobere ni mo ti mo omo Yahoo naa. Ise okada ni eni naa n se, o si maa n gbe omo Yahoo yen kiri. O mo pe omo Yahoo ni. Mi o mo oruko re. Ibadan lo ti wa se etutu naa.

"Mo lo ba eeyan mi kan ti oun naa je onisegub ibile, to tun je bi omo-iya si mi laduugbo. Mo mo po maa n ni ori eeyan gbigbe lowo. Sugbon, nigba ti mo de odo re, ko ni lowo lasiko yen. Nitori naa, o mu mi lo sodo ore re kan. Iyen naa o ni.

"O fun mi ni nomba dokto to n gbe laduugbo kan naa pelu mi. Mi o mo po n se iru nnkan bee. Mo kan mo pe, o ni soobu kemisti ni, o si maa n toju awon eeyan ninu yara kan nile re. Mo lo sodo re, o si ni ki n san egberun lona ogota naira fun eyo kan.

"Mo ni, mi o lowo to to bee. Mo si fun un egberun lona aadota naira. O ta a fun mi, mo si lo lati se etutu yen. Etutu naa gba, nitori ti omo Yahoo yen foonu mi lati dupe lopolopo.

"Nigba t'omo Yahoo yen wa. Emi ni mo so fun un pe, yoo nilo ori eeyan lati se etutu naa. Inu iwe akosile Afaa to toju mi dagba yen ni mo ti ri i leyin to ku.

"Lati se etutu yen.  A o wa ori eeyan gbigbe, owo eranko iro meji, ori ejo oka meji, ori ejo olufa meji, apori ti won fi igi iroko se, ori sinaapu ati ose dudu. A o lo gbogbo re papo, leyin naa la o da oti sinaapu yen si i. A o wa yi gbogbo re papo mo ose dudu naa. A o ko gbogbo re sinu awo abomafo funfun to ni omori, a o si gbe e sori apoti naa. Leyin naa la o gbe ori sinaapu to ku si i legbee.

"To ba fe lo o. Omo Yahoo yen maa mu oti ogogoro yen, ko to lo fi ohun ta a pop o yen we. O foonu mi pe, ise naa je pelu ileri p'oun si maa wa san esan oore ti mo se e naa. Sugbon, mi o tii foju kan rara, ki awon olopaa to wa mu mi. Looto, o fun mi ni egberun lona igba naira ki n to bere ise re.

Etutu eleekeji

"NIgba ti mo pari ise yii. Mo ro o ninu ara mi po ye ki n wa ona ti mo le fi maa r'owo gidi. Mo lo wonu iwe akosile Afaa, mo si rii pe, t'eeyan ba lo ori eeyan tutu, t'eeyan si mo oruko eni naa daadaa. Yoo mu esi gidi wa, ju k'eeyan lo gbigbe lo.

"Mo lo sodo Mutairu lati salaye fun un pe, Mujidat lo wa lokan mi lati lo. O ti so fun tele p'oun n gbero lati soogun owo, leyin ti egbo kan to wa l'ese re nigba to lasidenti ti san. A ti soro bi ose kan, saaju asiko ti Mujidat wa si Saki.

Bi mo se mo Mujidat

"Ikeja ni mo ti mo Mujidat niluu Eko. Ipase ore mi kan ti mo pade ninu moto akero, nigba ti mo n lo s'Ekoo ni mo ti mo on. Mo maa n lo sodo re daadaa, nibe lo ti mu emi ati Mujidat mo ara wa nile-itura kan to ti n sise omo oloja irole. Mo maa n ba a lajosepo daadaa, nigba yoowu ti mo ba wa n'Ikeja. Bayii la se di ore. Nigba ti mo pada si Saki, mo ni nomba foonu re lowo, a si jo n sore sibe naa.

"Mo maa n fowo ranse si i. Lati bii egberun marun-un si ogun egberun. Lasiko yii, mi o ba a so nnkan kan. Olugbohun ti ko le ko, ni mo lo fun un. Saaju asiko yii, o ti wa ki mi bi eemeji ri. Lasiko yii, nigba to de ni deedee aago mefa irole, mo lo olugbohun fun un pe, ko wo inu yara ti mo ti maa n sise. O wole, mo si wa pelu re. Mutairu naa wa wow a, o si jade lo pada.

"Ni deedee aago mewaa ale. Mo ni ki Mujidat tele mi lo sona ibi kan, o si tele mi lai beere nnkan kan. Oogun ti mo lo lataaro si n sise lara re. Awa meteeta kori sinu igbo. Mo ni ko jokoo sile. Mo si mu oogun yen jade, mo tun lo o fun un.

"Bi mo se n pofo, Mutairu n ni ki Mujidat maa ni "Ase". Merin ni gbogbo ofo yen, bi mo se n pe e, lo n se ase si i.

"Leyin naa ni mo ni ko sun sile, mo ni ki Mutairu de owo re. Mo yin in lorun. Nigba ti mo ri bi oju re se ri pelu irora, ara mi o gba a mo. Mo ni ki Mutairu je ka fi sile, nitori mi o se iru re ri. Sugbon, o ni ka pari ise naa. Mi o le yin in lorun mo, nitori naa Mutairu gba a lowo mi. O si pari re.

Igba tie mi ti kuro lara re. Mo fi obe kan ge ori ati owo re mejeeji. Mo tun yo okan re, nigba ti Mutairu yo itan re mejeeji ati nnkan-omobinrin re. A gbe okutu re lo sibi kan legbe apata kan ninu igbo, a si gbe e ju sibe. A ko itan re pamo sinu igbe, a si fi ewe bo o. A gbe ori re, okan, owo ati nnkan-omobinrin re wa sile. Mi o mo nnkan ta a le lo nnkan-omobinrin re fun, mo kan sa yo o kuro lara re pelu ireti p’enikan le f era ni. Mutairu lo nilo owo.

Bowo se te wa

Ni deedee aago meji oru la dele. Ba a se dele, mo gbo ohun tisa ile-ku kan, to dabi baba si mi, ta a si ji n gbe nile. Mo lo sita lo to, mo si tan ina atetan foonu mi. O beere pe, ta a lo tan ina foonu oun, mo si ni emi ni. Ile wa koju si titi ni, oun si wa legbee titi. Aso oogun mi ni mo. Aabo lo wa fun ati isora. O ri aso yen, o si beere ohun ti mo n se. Mo da a lohun pe, mo n se awon ise kan ninu ile ni.

“Bawon meji ninu awon to n so adugbo wa, ti won n pe ni Soludero se de niyen. Mutairu naa tan ina atetan foonu re, o si pa a pada. O tun tun un se. Afaa yen sakiyesi re, o si beere pe ta a ni. Mo ni Mutairu ni. Oluko ile keu yen wa ni, ki won lo ye inu yara ti mo ti n sise wo. Bi won se ri ori eeyan tutu yen atawon eya ara ni yii. Inu ike ibomi kan la gbe ori yen si, a si da ogogoro si i. A si ko owo, okan ati nnkan-omobinrin naa sinu ike mi-in, bee la da ogogoro si i lati le ma je ko tete baje.

“Mutairu ti koko n wa awawi, sugbon emi jewo ohun ta a se. Won ni ki n mu won lo sibi ta a gbe okutu re si ati ibi ta a ko itan re si. Awon iko Amotekun naa tun de, won si ni ki n ko okutu, itan pelu ori atawon eya ara to ku ti won ba nile. Won fi moto gbe mi lo si tesan olopaa, won si fa mi lawon olopaa lowo.

Ki ni yoo sele si i leyin oran to da yii.

“Mo nigbagbo pe, ohun ti Olorun ti kadara fun irin-ajo aye mi ni yii. Mi o mo nnkan tijoba maa se nipa oro mi. Sugbon, nigba tawon molebi mi gbo nipa isele naa, nise ni won n sunkun pe mo ti ba aye won je. Iyawo meji ni mo ni. Okan bimo meji ti ojo-ori won je odun meta ati odun kan. Nigba ti omo ekeji ko tii ju osu merin si marun-un lo.

Ninu oro ti Shittu Mutairu

“Mo lasidenti l’Ekoo. Mo subu lori okada, awon dokita si gbiyanju lati toju mi. Sugbon, oju-egbo yen kan n ke sii ni. Mo ro o ninu ara mi pe, oju-egbo to n ke yii kii soju lasan ati pe apa awon dokita onisegun oyinbo le ma ka a.

“Mo wa si Saki, omo-iya mi kan si n ba mi toju egbo naa pelu egboogi ibile. Fun bi osu mefa, mi o le jade ninu yara mi. Leyin naa, nigba tara de mi die. Maa jade, lo jokoo sabe igi kan. Bayii ni mo se mo Wasiu. Awon eeyan to n koja maa n fun mi lowo bii aadota tabi ogorun-un kan naira. Wasiu atawon aladuugbo mi-in maa n gb’ounje wa fun mi.

Lenu ojo meta yii, o so fun mi pe omobinrin kan n wa oun bo ati p’oun si n gbero lati lo o fun etutu fawon onibaara oun. Mo gba lati darapo mo on, nitori ohun ti mo n koju. O seleri lati ran mi lowo lati ki egbo mi san ni kete ti owo ba ti jade nidii etutu naa. nibi ti mo ti jokoo sidii apata ni omobinrin naa de. Wasiu wa ba mi, o ni ki n maa bo ninu yara ise oun. Mo lo. Mo si ri omobinrin naa. Wasiu ni ki n maa lo. Mo si pada sidii apata.

“Ni deedee aago mewaa ale, oun ati omobinrin naa ba mi nidii apata, a si wonu igbo lo. O so fun omobinrin naa lati jokoo, awa naa si darapo mo on.

 “O gbe oogun kan, olugbohun jade. Mi o mo nnkan to n so, sugbon a n se ase.

“O ni ki omobinrin naa sun sile, o si mu omiran jade. O wo o si apa re. o tun mu oogun mi-in jade, o fi le aya ati ikun omobinrin naa. Mo sa rii pe, ko so nnkan kan

“O ti fi oogun kan le mi lati ki mi laya, nitori naa okan mi ti di. Eru o si ba mi. O fun mi ni gbere loju ati ni ara, emi naa si fun un. Sugbon, otooto lawon ebu ta a lo si gbere wa.

“O yin omobinrin naa lorun, nigba tie mi di i lowo mu. Leyin iseju die, o lo ti re oun, mo si gba a lowo re. Nigba to ya o pada sibi orun re. Leyin naa lo mu obe jade, o si ge ori re. O tun ge owo re mejeeji, o si lo ti re oun. O ni ki n ge nnkan-omobinrin re, mo si ge e. O tun ni ki n ge itan re, sugbon mo ni bi won se n ge e. O gba a lowo mi, o si ni ki n die se naa mu, nigba to n ge e.. Mo beere ohun to fe fi itan yen se, o si l’oun fe fun dokita kan laduugbo wa ni.

“A bo sinu igbo, a si ko itan ati okutu omobinrin naa sibe, a kori sile. Nigba ta a de inu yara ise re nile, mo n tan ina foonu mi, mo si n pa a, ka le maa fi reran. Nigba yen ni Afaa to n gbe nibe wa, to si beere pe taa niyen.

“Wasiu lo ba a nita, o si l’oun n se nnkan ninu yara ise oun. Nigba yen, awon ode Soludero to n so adugbo yen n koja, Afaa si pe won lati wa ye yara naa wo. Won wo o, won si bawon eya ara naa.

“Awon ero pe le wa lori, Wasiu si mu awon ode yen lo sibi ta a ko okutu atawon eya ara to ku si. Leyin naa ni won fa wa le olopaa lowo.

Nigba takoroyin beere pe n je oun ati Wasiu mo nnkan ti ofin wi nipa ipaniyan. Mutairu ko le soro, sugbon Wasiu ni oun nimo nipa ofin. Nitori ti oun o ni eko iwe.

Nipa ohun ti esin musulumi so, esi re ni pe, ki won pa eni to ba paayan.. Sugbon, Wasiu ni owo t’oun n wa lo mu k’oun huwa naa.